IND vs ENG 2nd T20: ఇంగ్లాండ్ తుది జట్టు ప్రకటింపు.. జోఫ్రా ఆర్చర్ రీఎంట్రీ

భారత్ మరియు ఇంగ్లాండ్ మధ్య జరుగుతున్న ఐదు మ్యాచ్‌ల టీ20 సిరీస్‌లో రెండో టీ20కి వేదిక సిద్ధమైంది. ఈ మ్యాచ్ జూలై 4న మాంచెస్టర్‌లోని ఓల్డ్ ట్రాఫర్డ్ మైదానంలో జరగనుంది. మ్యాచ్‌కు ముందు ఇంగ్లాండ్ అండ్ వేల్స్ క్రికెట్ బోర్డు రాబోయే మ్యాచ్ కోసం తమ తుది జట్టును ప్రకటించింది.

ఈ మ్యాచ్‌లో హ్యారీ బ్రుక్ మరోసారి జట్టును నడిపించనున్నాడు. అలాగే స్టార్ పేసర్ జోఫ్రా ఆర్చర్ చాలా కాలం తర్వాత జట్టులోకి తిరిగి వచ్చాడు. అతని రాకతో ఇంగ్లాండ్ బౌలింగ్ విభాగం మరింత బలపడనుంది.

గమనించాల్సిన విషయం ఏమిటంటే సిరీస్‌లో తొలి టీ20 వర్షం కారణంగా రద్దు అయింది. ఫలితం లేకుండా ముగిసిన తొలి మ్యాచ్ తర్వాత ఇరు జట్లు ఈ మ్యాచ్‌లో స్పష్టమైన ఫలితం రావాలని, వాతావరణం అనుకూలంగా ఉండాలని ఆశిస్తున్నాయి.

వైభవ్ సూర్యవంశీకి అవకాశం ఉందా

రెండో టీ20కు ముందు ఎక్కువగా చర్చకు వస్తున్న విషయం వైభవ్ సూర్యవంశీకి అవకాశం దక్కుతుందా అన్నదే. ఐర్లాండ్ సిరీస్‌తో పాటు ఇంగ్లాండ్ టీ20 సిరీస్‌కు కూడా అతడిని ఎంపిక చేశారు కానీ ఇప్పటివరకు ఒక్క మ్యాచ్‌లో కూడా ఆడలేదు.

ఐర్లాండ్‌తో జరిగిన రెండు టీ20ల్లో భారత్ ఓడిపోయినప్పటికీ వైభవ్ బెంచ్‌కే పరిమితమయ్యాడు. ఇంగ్లాండ్‌తో తొలి టీ20లో కూడా అతడికి అవకాశం రాలేదు. ప్రస్తుతం సంజూ శాంసన్ ఫామ్‌లో లేకపోవడంతో జట్టు మేనేజ్‌మెంట్ ఓపెనర్‌గా వైభవ్‌ను ఆడించే అవకాశముంది.

ఇటీవల ముగిసిన ఐపీఎల్‌లో అద్భుత ప్రదర్శన చేసిన వైభవ్ 16 మ్యాచ్‌ల్లో 776 పరుగులు చేసి ఆరెంజ్ క్యాప్ గెలుచుకున్నాడు. ఈ ఘనత సాధించిన అతి పిన్న వయస్కుడిగా కూడా నిలిచాడు. అతడు అంతర్జాతీయ స్థాయిలో ఎలా ఆడతాడో చూడాలని అభిమానులు ఆసక్తిగా ఎదురుచూస్తున్నారు.

ఇంగ్లాండ్ తుది జట్టు

మరిన్నివార్తలుచదవండి: గాయాల నుంచి కోలుకుని ఇంగ్లాండ్‌కు తిరిగివచ్చిన నాట్ సివర్ బ్రంట్