Australia announce squad for Pakistan T20 series ahead of T20 World Cup 2026

ఫిబ్రవరి 7 నుంచి ప్రారంభం కానున్న టీ20 ప్రపంచకప్‌–2026కు ముందు ఆస్ట్రేలియా జట్టు సన్నాహకాలను మరింత వేగవంతం చేసింది. ఈ మెగా టోర్నీకి సిద్ధమయ్యే క్రమంలో ఈ నెలాఖరులో ఆస్ట్రేలియా జట్టు పాకిస్తాన్ పర్యటనకు వెళ్లనుంది. ఈ పర్యటనలో భాగంగా ఆతిథ్య పాకిస్తాన్‌తో మూడు మ్యాచ్‌ల టీ20 సిరీస్‌ను ఆడనుంది. ఈ సిరీస్ జనవరి 29 నుంచి ప్రారంభం కానుంది.

ఈ నేపథ్యంలో పాక్‌తో జరిగే టీ20 సిరీస్‌కు సంబంధించిన ఆస్ట్రేలియా జట్టును క్రికెట్ ఆస్ట్రేలియా అధికారికంగా ప్రకటించింది. మొత్తం 17 మంది సభ్యులతో కూడిన ఈ బృందానికి మిచెల్ మార్ష్ నాయకత్వం వహించనున్నాడు. అయితే ఈ సిరీస్‌కు సీనియర్ ఆటగాళ్లు నాథన్ ఎల్లిస్, గ్లెన్ మాక్స్‌వెల్‌లకు విశ్రాంతి కల్పించారు.

అదే సమయంలో యువ ఆటగాళ్లు మహ్లీ బియర్డ్‌మాన్, జాక్ ఎడ్వర్డ్స్‌లకు అవకాశం ఇచ్చారు. ప్రస్తుతం కొనసాగుతున్న బిగ్‌బాష్ లీగ్‌ 2026లో ఈ ఇద్దరూ అద్భుతమైన ప్రదర్శనతో ఆకట్టుకుంటున్నారు. టీ20 ప్రపంచకప్‌ 2026 కోసం ఎంపికైన ఆటగాళ్లలో ఇప్పటికే 10 మందిని ఈ పాకిస్తాన్ సిరీస్‌కు జట్టులో కొనసాగించడం గమనార్హం.

పాకిస్తాన్‌తో టీ20 సిరీస్‌కు ఆస్ట్రేలియా జట్టు:

మిచెల్ మార్ష్ (కెప్టెన్), సీన్ అబాట్, జేవియర్ బార్ట్లెట్, మహ్లీ బియర్డ్‌మాన్, కూపర్ కానోలీ, బెన్ ద్వార్షుయిస్, జాక్ ఎడ్వర్డ్స్, కామెరాన్ గ్రీన్, ట్రావిస్ హెడ్, జోష్ ఇంగ్లిస్ (వికెట్‌కీపర్), మాథ్యూ కునెమన్, మిచ్ ఓవెన్, జోష్ ఫిలిప్, మాథ్యూ రెన్షా, మాథ్యూ షార్ట్, మార్కస్ స్టోయినిస్, ఆడమ్ జంపా.

పాక్ – ఆసీస్ టీ20 సిరీస్ షెడ్యూల్:

• తొలి టీ20 మ్యాచ్ – జనవరి 29

• రెండో టీ20 మ్యాచ్ – జనవరి 31

• మూడో టీ20 మ్యాచ్ – ఫిబ్రవరి 1

టీ20 ప్రపంచకప్‌ 2026 కోసం ఆస్ట్రేలియా జట్టు:

మిచెల్ మార్ష్ (కెప్టెన్), జేవియర్ బార్ట్లెట్, కూపర్ కానోలీ, పాట్ కమ్మిన్స్, టిమ్ డేవిడ్, కామెరాన్ గ్రీన్, నాథన్ ఎల్లిస్, జోష్ హాజిల్‌వుడ్, ట్రావిస్ హెడ్, జోష్ ఇంగ్లిస్ (వికెట్‌కీపర్), మాట్ కుహ్నెమాన్, గ్లెన్ మాక్స్‌వెల్, మాథ్యూ షార్ట్, మార్కస్ స్టోయినిస్, ఆడమ్ జంపా.

మరిన్ని వార్తలు చదవండి: టీ20 ప్రపంచకప్‌ 2026: భారత్‌కు బంగ్లాదేశ్ రాదా? జనవరి 21న కీలక నిర్ణయం