BAN vs IND: Team India Tour of Bangladesh Confirmed for August September

బంగ్లాదేశ్‌లో టీమిండియా పర్యటనకు అధికారికంగా గ్రీన్ సిగ్నల్ లభించింది. ఈ ఏడాది ఆగస్టు మరియు సెప్టెంబర్ నెలల్లో భారత జట్టు బంగ్లాదేశ్‌లో పర్యటించనుంది. ఈ పర్యటనలో భాగంగా ఆతిథ్య జట్టు బంగ్లాదేశ్‌తో భారత్ మూడు వన్డేలు మరియు మూడు టీ20 మ్యాచ్‌ల సిరీస్‌లు ఆడనుంది.

వాస్తవానికి ఈ పర్యటన గత ఏడాది ఆగస్టులోనే జరగాల్సి ఉంది. అయితే అప్పట్లో మాజీ ప్రధాని షేక్ హసీనాకు వ్యతిరేకంగా దేశంలో చెలరేగిన రాజకీయ అల్లర్లు, భద్రతా కారణాల నేపథ్యంలో ఈ సిరీస్‌ను వాయిదా వేయాల్సి వచ్చింది. పరిస్థితులు సాధారణ స్థితికి చేరుకోవడంతో, ఇప్పుడు ఈ సిరీస్‌ను తిరిగి షెడ్యూల్ చేశారు.

నూతన సంవత్సరాన్ని పురస్కరించుకుని బంగ్లాదేశ్ క్రికెట్ బోర్డు ఈ ఏడాది బంగ్లాదేశ్ క్రికెట్ పూర్తి షెడ్యూల్‌ను విడుదల చేసింది. ఇందులో పాకిస్తాన్, న్యూజిలాండ్, భారత్, ఆస్ట్రేలియా, వెస్టిండీస్ జట్లతో మూడు ఫార్మాట్లలో జరగనున్న ద్వైపాక్షిక సిరీస్‌ల వివరాలను ప్రకటించింది.

గతేడాది వాయిదా పడిన భారత్ బంగ్లాదేశ్ వైట్ బాల్ సిరీస్‌లను తిరిగి షెడ్యూల్ చేసినట్లు బీసీబీ క్రికెట్ ఆపరేషన్స్ చీఫ్ షహరీర్ నఫీజ్ తెలిపారు. ఈ వైట్ బాల్ సిరీస్‌ల కోసం భారత జట్టు ఆగస్టు 28న బంగ్లాదేశ్‌కు చేరుకోనుంది. ముందుగా వన్డే సిరీస్, అనంతరం టీ20 సిరీస్‌లు జరగనున్నాయి.

వన్డే సిరీస్ సెప్టెంబర్ 1 నుంచి 6 వరకు జరగనుండగా, టీ20 సిరీస్ సెప్టెంబర్ 9 నుంచి 13 వరకు కొనసాగనుంది.

భారత్ బంగ్లాదేశ్ వన్డే సిరీస్ షెడ్యూల్

తొలి వన్డే మ్యాచ్ సెప్టెంబర్ 1న
రెండో వన్డే మ్యాచ్ సెప్టెంబర్ 3న
మూడో వన్డే మ్యాచ్ సెప్టెంబర్ 6న

భారత్ బంగ్లాదేశ్ టీ20 సిరీస్ షెడ్యూల్

తొలి టీ20 మ్యాచ్ సెప్టెంబర్ 9న
రెండో టీ20 మ్యాచ్ సెప్టెంబర్ 12న
మూడో టీ20 మ్యాచ్ సెప్టెంబర్ 13న

ఈ సిరీస్‌తో టీమిండియా కొత్త సీజన్‌ను ప్రారంభించనుండగా, యువ ఆటగాళ్లకు అవకాశాలు లభించే అవకాశం కూడా కనిపిస్తోంది.

మరిన్నివార్తలుచదవండి: T20 వరల్డ్ కప్ 2026: భారత్ సహా 6 జట్ల ప్రకటన.. కప్ కొట్టే డేంజరస్ స్క్వాడ్స్ ఇవే!