Pat Cummins Fit Again, Set to Return for Adelaide Ashes Test
ఆస్ట్రేలియా కెప్టెన్ ప్యాట్ కమ్మిన్స్ మళ్లీ మైదానంలోకి అడుగుపెట్టడానికి సిద్దమయ్యాడు. వెన్నెముక గాయం నుంచి పూర్తిగా కోలుకున్న కమ్మిన్స్, యాషెస్ సిరీస్ 2025–26లో భాగంగా జరగనున్న మూడో టెస్టుకు అందుబాటులో ఉండనున్నాడు.
ఈ విషయాన్ని కమ్మిన్సే స్వయంగా వెల్లడించాడు. వాస్తవానికి ప్రస్తుతం బ్రిస్బేన్లో జరుగుతున్న పింక్ బాల్ టెస్టులో అతడు ఆడాల్సి ఉండేది. కానీ ఆఖరి నిమిషంలో ముందస్తు జాగ్రత్త చర్యగా అతడిని ప్లేయింగ్ ఎలెవన్ నుంచి తప్పించారు.
ఇప్పుడు పూర్తి ఫిట్నెస్ సాధించిన కమ్మిన్స్, తన బౌలింగ్ ప్రాక్టీస్ను మళ్లీ ప్రారంభించాడు. కీలక పేసర్ జోష్ హాజిల్వుడ్ గాయంతో జట్టు దూరమవడంతో, కమ్మిన్స్ తిరిగి రావడం ఆస్ట్రేలియాకు పెద్ద ఊరటగా మారింది.
“అడిలైడ్ టెస్టుకు సిద్ధమవుతున్నాను. ఆదివారం (డిసెంబర్ 7) మరోసారి బౌలింగ్ ప్రాక్టీస్ చేస్తాను. అడిలైడ్ చేరుకున్నాక కూడా నెట్స్లో శిక్షణ కొనసాగిస్తాను. ప్రస్తుతం పూర్తిగా ఫిట్గా ఉన్నాను. శరీరం కూడా అద్భుతంగా స్పందిస్తోంది. ఈ గ్యాప్లో ఎలాంటి సమస్యలు రాకుండా ఉండాలని ఆశిస్తున్నాను,” అని మూడో రోజు ఆట సందర్భంగా ఫాక్స్ క్రికెట్కు కమ్మిన్స్ తెలిపారు.
కమ్మిన్స్, హాజిల్వుడ్ లేమితో బ్రెండన్ డాగెట్, స్కాట్ బోలాండ్, మైఖేల్ నేసర్ లతో కూడిన పేస్ విభాగానికి మిచెల్ స్టార్క్ నాయకత్వం వహిస్తున్నాడు. తొలి టెస్టులో ఆసీస్ బౌలర్లు చక్కటి ప్రదర్శన ఇచ్చారు. రెండో టెస్టులో కూడా మంచి రిథమ్ కొనసాగిస్తున్నారు. ప్రతిష్టాత్మక యాషెస్ సిరీస్లో మూడో టెస్టు అడిలైడ్ ఓవల్లో డిసెంబర్ 17 నుంచి ప్రారంభం కానుంది.
మరిన్ని వార్తలు చదవండి: శుభ్మన్ గిల్ ఫిట్నెస్ టెస్టులు క్లియర్ – టీ20 సిరీస్కు రెడీ అని CoE అధికారిక క్లారిటీ!