భారత క్రికెట్ అభిమానులకు గుడ్ న్యూస్! యువ ఓపెనర్ శుభ్మన్ గిల్ పూర్తిగా కోలుకుని, దక్షిణాఫ్రికాతో జరగబోయే టీ20 సిరీస్కు రెడీ అయిపోయాడు. బీసీసీఐ సెంటర్ ఆఫ్ ఎక్సలెన్స్ (CoE) ఇప్పుడు అధికారికంగా గ్రీన్ సిగ్నల్ ఇచ్చేసింది – గిల్కు ‘రిటర్న్ టు ప్లే’ క్లియరెన్స్ వచ్చేసింది.
మొదటి రెండు మ్యాచ్లకు అందుబాటులో ఉంటాడో లేదో అని సందేహం ఉంది. గాయం నుంచి పూర్తిగా కోలుకోవడానికి ఇంకా కొంత టైం పట్టొచ్చని అప్పట్లో వార్తలు వచ్చాయి. కానీ డిసెంబర్ 1నే బెంగళూరులోని CoEకి వచ్చి నెట్స్లో బ్యాటింగ్ మొదలుపెట్టేశాడు ఈ పంజాబ్ బ్యాటర్.
COE నుంచి గిల్కి పూర్తి ఫిట్నెస్ గ్రీన్ సిగ్నల్
ఇప్పుడు CoE నుంచి వచ్చిన అధికారిక సమాచారం ప్రకారం – గిల్ రిహాబిలిటేషన్ను సక్సెస్ఫుల్గా పూర్తి చేశాడు, అన్ని ఫిట్నెస్ టెస్టులూ క్లియర్ చేశాడు. అంటే టెస్ట్, వన్డే, టీ20 – మూడు ఫార్మాట్లకూ ఈయన రెడీ! టీమ్ ఫిజియో కమలేష్ జైన్, స్ట్రెంత్ అండ్ కండిషనింగ్ కోచ్ అడ్రియన్ లే రూ, టీమ్ డాక్టర్ డాక్టర్ చార్లెస్లతో కలిసి స్పోర్ట్స్ సైన్స్ అండ్ మెడిసిన్ బృందం ఈ క్లియరెన్స్ ఇచ్చింది.
ఇవాళ (డిసెంబర్ 6) గిల్ కటక్ చేరుకోనున్నాడు. విశాఖపట్నంలో మూడో వన్డే ముగిసిన తర్వాత డిసెంబర్ 7 నుంచి టీమిండియా టీ20 క్యాంపు మొదలవుతుంది. వైస్ కెప్టెన్గా ఉన్న గిల్ సమయానికి జాయిన్ అవుతున్నాడు కాబట్టి... టీ20 సిరీస్లో భారత్ బ్యాటింగ్ లైనప్ మరింత బలంగా కనిపోనుంది. గిల్ ఫామ్లోకి వచ్చేశాడంటే – ప్రొటీయాస్ బౌలర్లకు ఇక హెచ్చరికే!
దక్షిణాఫ్రికా T20I సిరీస్ కోసం భారత జట్టు
సూర్యకుమార్ యాదవ్ (కెప్టెన్), శుభ్మన్ గిల్ (వైస్ కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివం దూబే, అక్షర్ పటేల్, జితేశ్ శర్మ (వికెట్ కీపర్), సంజు శాంసన్ (వికెట్ కీపర్), జస్ప్రీత్ బుమ్రా, వరుణ్ చక్రవర్తి, అర్షదీప్ సింగ్, కుల్దీప్ యాదవ్, హర్షిత్ రాణా, వాషింగ్టన్ సుందర్
IND vs SA T20I సిరీస్ షెడ్యూల్
| మ్యాచ్ | తేదీ | వేదిక | సమయం (IST) |
|---|---|---|---|
| 1వ T20I | డిసెంబర్ 9 | బారాబతి స్టేడియం, కటక్ | సా. 7:00 |
| 2వ T20I | డిసెంబర్ 11 | ముళ్లన్పూర్, చండీగఢ్ | సా. 7:00 |
| 3వ T20I | డిసెంబర్ 14 | హెచ్పిసిఏ, ధర్మశాలా | సా. 7:00 |
| 4వ T20I | డిసెంబర్ 17 | ఎకానా క్రికెట్ స్టేడియం, లక్నో | సా. 7:00 |
| 5వ T20I | డిసెంబర్ 19 | నరేంద్ర మోదీ స్టేడియం, అహ్మదాబాద్ | సా. 7:00 |
