SMAT 2025: Arjun Tendulkar Shines With 3 Wickets as Goa Beat Madhya Pradesh
సయ్యద్ ముస్తాక్ అలీ ట్రోఫీ 2025లో మంగళవారం మధ్యప్రదేశ్తో జరిగిన మ్యాచ్లో సచిన్ తండూల్కర్ కుమారుడు, గోవా ఆల్రౌండర్ అర్జున్ టెండూల్కర్ అద్భుతమైన ప్రదర్శన కనబరిచాడు. మొదట బౌలింగ్లో 3 వికెట్లు తీశి తన ప్రతిభను చూపిన అర్జున్… అనంతరం బ్యాటింగ్లోనూ 16 పరుగులు చేసి జట్టుకు తోడ్పడ్డాడు.
పవర్ప్లేలో అర్జున్ బౌలింగ్ అద్భుతంగా సాగింది. మధ్యప్రదేశ్ ఓపెనర్లు అంకుష్ సింగ్, శివాంగ్ కుమార్లను వరుసగా పెవిలియన్కి పంపించాడు. ఆ తర్వాత ప్రమాదకర బ్యాటర్ వెంకటేష్ అయ్యర్ను మాయాజాల్ బంతితో ఔట్ చేస్తూ జూనియర్ టెండూల్కర్ గోవాకు కీలక బ్రేక్ ఇచ్చాడు.
తర్వాత బ్యాటింగ్లో ఓపెనర్గా వచ్చిన అర్జున్ ఆరంభంలో దూకుడుగా ఆడి గోవాకు మంచి స్టార్ట్ ఇచ్చాడు. ఈ సీజన్లో గోవా టీమ్ మేనేజ్మెంట్ అతనిని ఓపెనర్గా ప్రమోట్ చేసింది. అయితే బౌలింగ్లో మెరుస్తున్న అర్జున్… బ్యాటింగ్లో మాత్రం ఇంకా పెద్ద స్కోర్లు నమోదు చేయలేకపోతున్నాడు.
అర్జున్కి IPLలో కొత్త అధ్యాయం
ఇక ఐపీఎల్ విషయానికి వస్తే అర్జున్ టెండూల్కర్ ఇప్పుడు కొత్త ప్రయాణానికి సిద్ధమవుతున్నాడు. రాబోయే IPL 2026 సీజన్లో అతడు లక్నో సూపర్ జెయింట్స్ తరపున ఆడనున్నాడు. ఈ సీజన్కు ముందు ముంబై ఇండియన్స్ నుంచి లక్నో అతనిని ట్రేడ్ చేసుకుంది.
అర్జున్ 2021 నుంచి ముంబై ఇండియన్స్లో ఉన్నప్పటికీ, IPL ఆరంగేట్రం మాత్రం 2023లో చేశాడు. ఇప్పటి వరకు అతడు ముంబై తరపున మొత్తం 5 మ్యాచ్లు మాత్రమే ఆడాడు. జట్టులో బుమ్రా, బౌల్ట్ వంటి ప్రపంచ స్థాయి బౌలర్లు ఉండటంతో అర్జున్కు పెద్దగా అవకాశాలు దక్కలేదు. ఇప్పుడు లక్నో జట్టులో అతనికి మరిన్ని ఛాన్సులు లభించే అవకాశం కనిపిస్తోంది.
గోవా ఘన విజయం
మ్యాచ్ విషయానికి వస్తే మధ్యప్రదేశ్ నిర్దేశించిన 173 పరుగుల లక్ష్యాన్ని గోవా 18.3 ఓవర్లలో కేవలం 3 వికెట్లు కోల్పోయి చేధించింది. కెప్టెన్ సుయాష్ ప్రభుదేశాయ్ 50 బంతుల్లో అజేయంగా 75 పరుగులు చేసి జట్టును విజయం వైపు నడిపించాడు. అతడితో పాటు అభినవ్ కూడా 55 పరుగులతో మెరిశాడు. ఈ ఇద్దరి భాగస్వామ్యం గోవాను 7 వికెట్ల తేడాతో ఘన విజయానికి చేర్చింది.
మరిన్ని వార్తలు చదవండి: సౌతాఫ్రికాతో టీ20 సిరీస్కు ముందు భారతకు గుడ్న్యూస్: స్టార్ ఆల్రౌండర్ ఫిట్ అయ్యాడు