యాషెస్‌లో హెడ్ హవా: వరుసగా నాలుగో సెంచరీతో అరుదైన జాబితాలో చోటు

యాషెస్ సిరీస్‌ 2025–26లో ఆస్ట్రేలియా స్టార్ ఓపెనర్ ట్రావిస్ హెడ్ తన అద్భుతమైన ఫామ్‌ను కొనసాగిస్తున్నాడు. అడిలైడ్ వేదికగా ఇంగ్లండ్‌తో జరుగుతున్న మూడో టెస్టులో హెడ్ సెంచరీతో మరోసారి తన సత్తాను చాటాడు. తన హోమ్ గ్రౌండ్ అయిన అడిలైడ్ ఓవల్‌లో ఇంగ్లండ్ బౌలర్లను ధీటుగా ఎదుర్కొంటూ పరుగుల వరద పారించాడు.

146 బంతుల్లోనే తన 11వ టెస్టు సెంచరీని పూర్తి చేసిన హెడ్, మూడో రోజు ఆట ముగిసే సమయానికి 142 పరుగులతో అజేయంగా క్రీజులో నిలిచాడు. రెండో ఇన్నింగ్స్‌ను ప్రారంభించిన ఆస్ట్రేలియాకు ఓపెనర్ వెదరాల్డ్ (1) ఔటవడంతో ఆదిలోనే షాక్ తగిలింది. అనంతరం క్రీజులోకి వచ్చిన మార్నస్ లబుషేన్ (13) కూడా ఎక్కువసేపు నిలబడలేకపోయాడు.

×

Australia Founded: 1877

The Australian cricket team is the joint oldest team in Test cricket history and has a tremendous record in one-dayers, having won more than 60% of the matches they have played.

ఈ దశలో హెడ్‌తో కలిసి అనుభవజ్ఞుడు ఉస్మాన్ ఖవాజా (40) ఇన్నింగ్స్‌ను స్థిరపరిచే ప్రయత్నం చేశాడు. ఖవాజా ఔటైన తర్వాత ఒకవైపు వికెట్లు పడుతున్నప్పటికీ, హెడ్ మాత్రం ఏమాత్రం తడబడకుండా ఇంగ్లండ్ బౌలర్లపై ఆధిపత్యం కొనసాగించాడు. అతడి దూకుడైన బ్యాటింగ్‌తో స్కోరు బోర్డు వేగంగా పరుగులు పెట్టింది.

మూడో రోజు ఆట ముగిసే సమయానికి ఆస్ట్రేలియా తమ రెండో ఇన్నింగ్స్‌లో 4 వికెట్ల నష్టానికి 271 పరుగులు చేసింది. దీంతో కంగారూ జట్టు మొత్తం మీద 356 పరుగుల భారీ ఆధిక్యంలో కొనసాగుతోంది. ప్రస్తుతం క్రీజులో ట్రావిస్ హెడ్‌తో పాటు అలెక్స్ కారీ (52) ఉన్నాడు.

ఈ మ్యాచ్‌లో సెంచరీతో చెలరేగిన హెడ్, పలు అరుదైన రికార్డులను కూడా తన ఖాతాలో వేసుకున్నాడు.

×

Travis Head Batter

Since Michael Hussey's retirement, Australia have struggled to find a reliable middle order batsman who can both anchor and finish an innings.

ట్రావిస్ హెడ్ సాధించిన రికార్డులు ఇవే:

• అడిలైడ్ ఓవల్‌లో అత్యధిక టెస్టు సెంచరీలు చేసిన మూడో ఆటగాడిగా ట్రావిస్ హెడ్ నిలిచాడు. ఈ ఘనతతో ఆస్ట్రేలియా దిగ్గజాలు డేవిడ్ వార్నర్, అలన్ బోర్డర్, డేవిడ్ బూన్ సరసన ఆయన చేరాడు. అడిలైడ్‌లో హెడ్‌కు ఇది నాలుగో టెస్టు సెంచరీ. ఈ జాబితాలో అతడికంటే ముందున్నవారు మైఖేల్ క్లార్క్ (7), రికీ పాంటింగ్ (6).

• ఆస్ట్రేలియాలోని ఒకే వేదికలో వరుసగా నాలుగు టెస్టు సెంచరీలు చేసిన ఐదో ఆటగాడిగా హెడ్ చరిత్ర సృష్టించాడు. అడిలైడ్ ఓవల్‌లో ఇది అతడికి వరుసగా నాలుగో సెంచరీ. ఈ అరుదైన జాబితాలో డాన్ బ్రాడ్‌మాన్, వాలీ హమ్మండ్, మైఖేల్ క్లార్క్, స్టీవ్ స్మిత్ వంటి దిగ్గజాలు ఉన్నారు.

మరిన్ని వార్తలు చదవండి: ₹25.20 కోట్లకు అమ్ముడైన కామెరాన్ గ్రీన్ ఇంటికి తీసుకెళ్లేది ₹9.74 కోట్లే ఎందుకు?