T20 వరల్డ్ కప్ 2026 నుంచి బంగ్లాదేశ్ ఔట్ – స్కాట్లాండ్‌కు ICC అవకాశం

T20 వరల్డ్ కప్ 2026లో బంగ్లాదేశ్ పాల్గొనడం లేదు. భారత్‌కు వెళ్లేందుకు నిరాకరణ కొనసాగించడంతో, అంతర్జాతీయ క్రికెట్ మండలి బంగ్లాదేశ్ స్థానంలో స్కాట్లాండ్ క్రికెట్ జట్టును గ్రూప్–సీలో చేర్చినట్టు ధృవీకరించింది.

ఈ నిర్ణయం, ఈ వారం ప్రారంభంలో బంగ్లాదేశ్ క్రికెట్ బోర్డుకు ఐసీసీ ఇచ్చిన 24 గంటల గడువు ముగిసిన తర్వాత వచ్చింది. బంగ్లాదేశ్ ప్రభుత్వం‌తో సంప్రదింపులు జరిపినప్పటికీ, భారత్‌లో తమ ఆటగాళ్ల భద్రతపై నమ్మకం లేదన్న వైఖరిని బీసీబీ మార్చుకోలేదు. మ్యాచ్‌లను శ్రీలంకకు మార్చాలన్న డిమాండ్‌ను కూడా ఉపసంహరించుకోబోమని స్పష్టం చేసింది.

టోర్నీ నుంచి తప్పుకోవడం తప్పించుకునేందుకు చివరి ప్రయత్నంగా, బీసీబీ స్వతంత్ర వివాద పరిష్కార కమిటీని ఆశ్రయించింది. అయితే ఆ ప్రయత్నం ఫలించలేదు. ఐసీసీ మరోసారి తేల్చి చెప్పింది నిర్దేశించిన షెడ్యూల్ ప్రకారమే భారత్‌లో ఆడాలి, లేకపోతే టోర్నీ నుంచి వైదొలగాలి. ఈ రెండు మార్గాలే ఉన్నాయని స్పష్టం చేసింది.

WPL 2026లో ఢిల్లీ క్యాపిటల్స్‌కు భారీ ఎదురుదెబ్బ – దీయా యాదవ్ సీజన్ ఔట్

టోర్నీ షెడ్యూల్‌లో ఎలాంటి మార్పులు లేవని ICC స్పష్టం

ప్రత్యామ్నాయ జట్టుపై మొదట అధికారిక ప్రకటన చేయకపోయినా, బంగ్లాదేశ్ తప్పుకుంటే స్కాట్లాండ్‌కు అవకాశం దక్కుతుందని వచ్చిన వార్తలు ఇప్పుడు నిజమయ్యాయి. గ్రూప్–సీలో స్కాట్లాండ్, ఇటలీ, నేపాల్, ఇంగ్లండ్, వెస్టిండీస్ జట్లతో తలపడనుంది. ముఖ్యంగా, ఇప్పటికే విడుదలైన టోర్నీ షెడ్యూల్‌లో ఎలాంటి మార్పు ఉండదని ఐసీసీ స్పష్టం చేసింది.

అధికారిక ప్రకటనలో ఐసీసీ తన నిర్ణయానికి కారణాలను వివరించింది. మూడు వారాలకు పైగా సాగిన విస్తృత ప్రక్రియలో భాగంగా, బీసీబీతో అనేక దఫాల చర్చలు ఆన్‌లైన్ మరియు ప్రత్యక్ష సమావేశాలు నిర్వహించినట్టు తెలిపింది. బంగ్లాదేశ్ వ్యక్తం చేసిన భద్రతా ఆందోళనలను పరిశీలించి, స్వతంత్ర భద్రతా అంచనాలు చేయించడంతో పాటు, కేంద్ర, రాష్ట్ర, వేదిక స్థాయిల్లో అమలు చేసే భద్రతా మరియు ఆపరేషన్ ప్రణాళికలను పంచుకున్నట్టు పేర్కొంది.

అన్ని అంచనాలూ భారత్‌లో బంగ్లాదేశ్ ఆటగాళ్లు, అధికారులు, అభిమానులకు “నమ్మదగిన లేదా నిర్ధారిత భద్రతా ముప్పు లేదు” అనే నిర్ణయానికే వచ్చాయని ఐసీసీ స్పష్టం చేసింది. ఈ నిర్ధారణల నేపథ్యంలో, ఇప్పటికే ప్రచురించిన షెడ్యూల్‌ను మార్చడం సమంజసం కాదని తేల్చింది. దాంతో, బంగ్లాదేశ్‌కు ప్రపంచ కప్ 2026 ప్రయాణం ప్రారంభమయ్యేలోపే ముగిసినట్టుగా ఐసీసీ అధికారికంగా ప్రకటించింది.

బీపీఎల్‌లో మ్యాచ్ ఫిక్సింగ్ ఆరోపణలు: అధికారిక దర్యాప్తు ప్రారంభించిన బీసీబీ