బీసీసీఐ సెంట్రల్ కాంట్రాక్టులు 2025-26: రోహిత్, కోహ్లీకి డీమోషన్, శుభ్‌మన్ గిల్‌కు ప్రమోషన్

భారత క్రికెట్ నియంత్రణ మండలి బీసీసీఐ 2025-26 సీజన్‌కు సంబంధించిన వార్షిక సెంట్రల్ కాంట్రాక్టులను అధికారికంగా ప్రకటించింది. ఈ జాబితాలో కొన్ని ఊహించని మార్పులు చోటు చేసుకున్నాయి. ముఖ్యంగా అత్యధిక పారితోషికం పొందిన రోహిత్ శర్మ, విరాట్ కోహ్లీ ఇద్దరికీ డీమోషన్ కలగడం క్రికెట్ అభిమానులను ఆశ్చర్యానికి గురి చేసింది. గ్రేడ్ ఏలో ఉన్న వీరిద్దరినీ ఇప్పుడు గ్రేడ్ బీలోకి మార్చారు.

రోహిత్ శర్మ, విరాట్ కోహ్లీ ఇద్దరూ ఇప్పటికే టెస్ట్ మరియు టీ20 అంతర్జాతీయ క్రికెట్‌కు వీడ్కోలు పలికారు. ప్రస్తుతం వారు భారత్‌కు కేవలం వన్డే ఫార్మాట్‌లో మాత్రమే ప్రాతినిధ్యం వహిస్తున్నారు. ఇదే వారిని గ్రేడ్ బీకి తగ్గించడానికి ప్రధాన కారణంగా భావిస్తున్నారు. గత సీజన్‌లో ఇద్దరూ ఏ ప్లస్ గ్రేడ్‌లో ఉండగా, 2025-26 సీజన్ నుంచి బీసీసీఐ ఏ ప్లస్ గ్రేడ్‌ను పూర్తిగా తొలగించింది. ఇకపై గ్రేడ్ ఏనే అత్యున్నత స్థాయిగా ఉంటుంది.

ఇక మరో కీలక మార్పుగా యువ స్టార్ బ్యాటర్ శుభ్‌మన్ గిల్‌కు పదోన్నతి లభించింది. ఇటీవలే భారత టెస్ట్, వన్డే జట్ల కెప్టెన్‌గా బాధ్యతలు స్వీకరించిన గిల్‌ను గ్రేడ్ బీ నుంచి నేరుగా గ్రేడ్ ఏకు ప్రోత్సహించారు. ఇది ఊహించిన నిర్ణయంగానే విశ్లేషకులు భావిస్తున్నారు.

కొత్త కాంట్రాక్ట్ విధానం ప్రకారం గ్రేడ్ ఏలో ఉన్న ఆటగాళ్లకు సంవత్సరానికి ఐదు కోట్ల రూపాయలు, గ్రేడ్ బీలో ఉన్న వారికి మూడు కోట్ల రూపాయలు, గ్రేడ్ సీలో ఉన్న వారికి ఒక కోటి రూపాయలు పారితోషికంగా అందనుంది.

పురుషుల జట్టు సెంట్రల్ కాంట్రాక్ట్ పారితోషిక వివరాలు

మహిళల జట్టు సెంట్రల్ కాంట్రాక్టులు కూడా ప్రకటింపు

పురుషుల జట్టుతో పాటు భారత మహిళల క్రికెట్ జట్టు సెంట్రల్ కాంట్రాక్టులను కూడా బీసీసీఐ అదే సమయంలో ప్రకటించింది. పురుషుల జట్టుతో పోలిస్తే మహిళల జట్టులో గ్రేడ్ ఏలో నలుగురు ఆటగాళ్లు ఉన్నారు. వారు హర్మన్‌ప్రీత్ కౌర్, స్మృతి మంధాన, జెమిమా రోడ్రిగ్స్, దీప్తి శర్మ.

భారత మహిళల క్రికెట్‌లో అగ్రశ్రేణి ఆటగాళ్లుగా గుర్తింపు పొందిన ఈ నలుగురికి మిగతా సహచరులతో పోలిస్తే అత్యధిక వార్షిక పారితోషికం లభించనుంది. మహిళల క్రికెట్‌ను మరింత ప్రోత్సహించే దిశగా ఇది కీలక నిర్ణయంగా భావిస్తున్నారు.

మరిన్నివార్తలుచదవండి: IPL 2026 పూర్తి షెడ్యూల్ ఇంకా ఎందుకు విడుదల కాలేదు? కారణాలు ఇవే