దేవదత్ పడిక్కల్ విధ్వంసకర శతకం, కర్ణాటకకు రంజీ ట్రోఫీలో కీలక విజయం

కర్ణాటక బ్యాటర్ దేవదత్ పడిక్కల్ దేశవాళీ క్రికెట్‌లో అద్భుత ఫామ్‌ను కొనసాగిస్తున్నాడు. ఇటీవల విజయ్ హజారే వన్డే టోర్నీలో తొమ్మిది ఇన్నింగ్స్‌ల్లో నాలుగు సెంచరీలతో పాటు 90కు పైగా సగటుతో మొత్తం 725 పరుగులు చేసిన పడిక్కల్, తాజాగా రంజీ ట్రోఫీలో కూడా తన దూకుడును కొనసాగించాడు.

క్వార్టర్ ఫైనల్‌కు అర్హత సాధించాలంటే తప్పనిసరిగా గెలవాల్సిన మ్యాచ్‌లో పంజాబ్‌పై అతను విధ్వంసకర శతకంతో చెలరేగాడు. ఈ మ్యాచ్‌లో కర్ణాటక కెప్టెన్‌గా వ్యవహరించిన పడిక్కల్, తన కెప్టెన్సీ తొలి మ్యాచ్‌లోనే జట్టుకు చిరస్మరణీయ విజయాన్ని అందించాడు.

లక్ష్య ఛేదనలో పడిక్కల్ ఒంటరి పోరాటం

40 ఓవర్లలో 250 పరుగుల లక్ష్యాన్ని ఛేదించే క్రమంలో పడిక్కల్ 85 బంతుల్లో ఆరు ఫోర్లు, ఐదు సిక్సర్లతో అజేయంగా 120 పరుగులు చేశాడు. అతని ఇన్నింగ్స్‌తో కర్ణాటక కేవలం 27.5 ఓవర్లలోనే ఐదు వికెట్లు కోల్పోయి లక్ష్యాన్ని చేరుకుంది.

పడిక్కల్‌కు మయాంక్ అగర్వాల్ 53 పరుగులు, శ్రేయస్ గోపాల్ 33 పరుగులతో మద్దతు అందించారు. అయితే టీమిండియా ఆటగాడు కేఎల్ రాహుల్ కేవలం 13 పరుగులకే ఔటై నిరాశపరిచాడు. పంజాబ్ బౌలర్లలో అన్మోల్‌జీత్ సింగ్ మూడు వికెట్లు తీయగా, సుఖ్‌దీప్ మరియు ఎమన్‌జోత్ చహల్ తలో వికెట్ సాధించారు.

పంజాబ్ తొలి ఇన్నింగ్స్‌లో సహారన్ పోరాటం

అంతకుముందు పంజాబ్ తొలి ఇన్నింగ్స్‌లో 256 పరుగులకు ఆలౌటైంది. కెప్టెన్ ఉదమ్ సహారన్ 93 పరుగులతో జట్టును నిలబెట్టాడు. అతనికి తప్ప మరెవ్వరూ పెద్దగా రాణించలేకపోయారు. అన్మోల్‌ప్రీత్ 44, అభిజీత్ 33, హర్ప్రీత్ బ్రార్ 29 పరుగులతో ఓ మోస్తరు స్కోర్లు చేశారు.

కర్ణాటక బౌలర్లలో ప్రసిద్ద్ కృష్ణ, శ్రేయస్ గోపాల్ తలో మూడు వికెట్లు తీయగా, శిఖర్ షెట్టి రెండు వికెట్లు, విధ్యాదర్ పాటిల్ మరియు మొహిసిన్ ఖాన్ చెరో వికెట్ సాధించారు.

కర్ణాటక తొలి ఇన్నింగ్స్‌లో గోపాల్, రాహుల్ రాణింపు

కర్ణాటక తొలి ఇన్నింగ్స్‌లో 316 పరుగులకు ఆలౌటైంది. శ్రేయస్ గోపాల్ 77 పరుగులు, కేఎల్ రాహుల్ 59 పరుగులతో అర్ధ సెంచరీలు చేశారు. మయాంక్ అగర్వాల్ 32, విధ్యాదర్ పాటిల్ 34 పరుగులతో ఓ మోస్తరు స్కోర్లు చేశారు.

పంజాబ్ బౌలర్లలో హర్ప్రీత్ నాలుగు వికెట్లు తీయగా, సుఖ్‌దీప్ మూడు, అన్మోల్ రెండు, చహల్ ఒక వికెట్ తీశారు.

పంజాబ్ మరో ఇన్నింగ్స్‌లో అభిజీత్, చహల్ అర్ధ సెంచరీలు

ఇదే మ్యాచ్‌లో పంజాబ్ మరో ఇన్నింగ్స్‌లో 309 పరుగులకు ఆలౌటైంది. అభిజీత్ 81, చహల్ 83 పరుగులతో అర్ధ సెంచరీలు సాధించారు. ఉదమ్ సహారన్ 44 పరుగులతో ఓ మోస్తరు ప్రదర్శన చేశాడు.

కర్ణాటక బౌలర్లలో విధ్యాదర్ పాటిల్ నాలుగు వికెట్లు తీయగా, శ్రేయస్ గోపాల్ మూడు, మొహిసిన్ ఖాన్ రెండు, ప్రసిద్ద్ కృష్ణ ఒక వికెట్ సాధించారు.

మరిన్నివార్తలుచదవండి: పీఎస్ఎల్‌పై ఫవాద్ సర్వర్ సంచలన వ్యాఖ్యలు, ఇంగ్లాండ్ ఆటగాళ్లకు ఎన్‌ఓసీ ఇవ్వబోరన్న వాదన