కెమెరామెన్‌కు క్షమాపణలు చెప్పి ఆలింగనం చేసిన హార్దిక్ పాండ్యా

టీమిండియా స్టార్ ఆల్‌రౌండర్ హార్దిక్ పాండ్యా మరోసారి తన గొప్ప మనసును చూపించాడు. దక్షిణాఫ్రికాతో అహ్మదాబాద్ వేదికగా శుక్రవారం జరిగిన చివరి టీ20 మ్యాచ్‌లో, తన సిక్సర్ వల్ల గాయపడిన కెమెరామెన్‌కు హార్దిక్ పాండ్యా స్వయంగా క్షమాపణలు చెప్పడంతో పాటు ఆత్మీయంగా ఆలింగనం చేసుకున్నాడు.

ఈ సంఘటనకు సంబంధించిన ఫొటోలు, వీడియోలు సోషల్ మీడియాలో వైరల్ అవుతుండగా, నెటిజన్లు హార్దిక్‌పై ప్రశంసల వర్షం కురిపిస్తున్నారు.

ఈ మ్యాచ్‌లో హార్దిక్ పాండ్యా కేవలం 25 బంతుల్లోనే 63 పరుగులు చేసి చెలరేగిపోయాడు. తన ఇన్నింగ్స్‌లో ఐదు భారీ సిక్సర్లు బాదిన అతడు, అదే క్రమంలో కొట్టిన ఓ సిక్సర్ బౌండరీ లైన్ వద్ద విధులు నిర్వహిస్తున్న కెమెరామెన్ భుజానికి బలంగా తాకింది. దాంతో అతడి భుజానికి గాయం అయింది. వెంటనే స్పందించిన టీమిండియా ఫిజియో, కెమెరామెన్‌కు ప్రాథమిక చికిత్స అందించాడు.

Heroes with Heart! 💙

Hardik Pandya 🤝 Cameraman 🎥#TeamIndia | #INDvSA | @hardikpandya7 | @IDFCFIRSTBank pic.twitter.com/Cn0YLBc6Ee

— BCCI (@BCCI) December 20, 2025

భారత ఇన్నింగ్స్ ముగిసిన వెంటనే హార్దిక్ పాండ్యా నేరుగా ఆ కెమెరామెన్ వద్దకు వెళ్లాడు. అతడి గాయాన్ని పరిశీలించి, ఐస్ ప్యాక్ పెట్టడంలో సహాయం చేశాడు. అనుకోకుండా జరిగిన ఈ ఘటనకు క్షమాపణగా అతడిని ఆలింగనం చేసుకుంటూ తన పెద్ద మనసును చాటుకున్నాడు.

ప్రస్తుతం ఈ సంఘటనకు సంబంధించిన ఫొటోలు, వీడియోలు నెట్టింట విస్తృతంగా వైరల్ అవుతున్నాయి. హార్దిక్ పాండ్యా చూపించిన క్రీడా స్ఫూర్తి, మానవత్వాన్ని నెటిజన్లు హృదయపూర్వకంగా ప్రశంసిస్తున్నారు.

మరిన్ని వార్తలు చదవండి: హెచ్‌సీఏ అవినీతి: హైదరాబాద్ క్రికెట్ అసోసియేషన్‌పై అరెస్టులు, అంతర్గత గందరగోళం