June 17, 2026 10:00 am
June 17, 2026 1:00 pm
June 17, 2026 3:00 pm
June 17, 2026 3:00 pm
June 17, 2026 3:00 pm
June 17, 2026 3:00 pm
June 17, 2026 3:00 pm
June 17, 2026 3:00 pm
June 17, 2026 3:15 pm
June 17, 2026 7:00 pm
June 17, 2026 7:00 pm
June 17, 2026 7:00 pm
June 17, 2026 7:30 pm
June 17, 2026 8:00 pm
June 17, 2026 11:00 pm
June 18, 2026 1:00 pm
June 18, 2026 2:00 pm
ICC T20I Rankings: షాహిద్ అఫ్రిది రికార్డుపై కన్నేసిన వరుణ్ చక్రవర్తి
టీమిండియా మిస్టరీ స్పిన్నర్ వరుణ్ చక్రవర్తి ప్రస్తుతం టీ20 అంతర్జాతీయ క్రికెట్లో తన బౌలింగ్తో ప్రపంచవ్యాప్తంగా ప్రత్యేక గుర్తింపు సంపాదిస్తున్నాడు. నిలకడైన ప్రదర్శనలతో దూసుకుపోతున్న వరుణ్, డిసెంబర్ 17న విడుదలైన తాజా ఐసీసీ టీ20 బౌలింగ్ ర్యాంకింగ్స్లో మరోసారి నంబర్ వన్ స్థానాన్ని నిలబెట్టుకోవడంతో పాటు తన కెరీర్లోనే అత్యుత్తమ రేటింగ్ను నమోదు చేసి చరిత్ర సృష్టించాడు.
తాజా ర్యాంకింగ్స్లో వరుణ్ ఖాతాలోకి ఏకంగా 36 రేటింగ్ పాయింట్లు చేరాయి. దీంతో అతని మొత్తం రేటింగ్ 818కు చేరి కెరీర్ బెస్ట్గా నిలిచింది. గత వారం సౌతాఫ్రికాతో జరిగిన రెండు టీ20 మ్యాచ్లలో ఒక్కో మ్యాచ్లో రెండు వికెట్లు చొప్పున మొత్తం నాలుగు వికెట్లు పడగొట్టడం ఈ ఘనతకు ప్రధాన కారణంగా మారింది.
818 రేటింగ్ పాయింట్లతో వరుణ్ చక్రవర్తి అరుదైన మైలురాయిని అందుకున్నాడు. పురుషుల టీ20 అంతర్జాతీయ క్రికెట్ చరిత్రలో అత్యధిక రేటింగ్ సాధించిన టాప్ టెన్ బౌలర్ల జాబితాలో చోటు దక్కించుకున్న ఏకైక భారతీయ బౌలర్గా ఆయన నిలిచాడు. ప్రస్తుతం ఈ ఆల్ టైమ్ బెస్ట్ రేటింగ్స్ జాబితాలో వరుణ్ ఎనిమిదో స్థానంలో ఉన్నాడు.
ఈ జాబితాలో పాకిస్తాన్ మాజీ పేసర్ ఉమర్ గుల్ 865 రేటింగ్తో అగ్రస్థానంలో కొనసాగుతుండగా, వరుణ్ చక్రవర్తి తన ప్రదర్శనతో తబ్రేజ్ షమ్సీ, రషీద్ ఖాన్, సునీల్ నరైన్ వంటి దిగ్గజాల సరసన నిలిచాడు. అంతేకాదు, పాకిస్తాన్ స్టార్ షాదాబ్ ఖాన్, శ్రీలంక స్పిన్నర్ వనిందు హసరంగాను వెనక్కి నెట్టి మెరుగైన రేటింగ్ను తన ఖాతాలో వేసుకున్నాడు.
పురుషుల టీ20 అంతర్జాతీయ క్రికెట్లో అత్యధిక రేటింగ్ సాధించిన టాప్ టెన్ బౌలర్ల జాబితా ఇలా ఉంది
| స్థానం | ఆటగాడు పేరు | దేశం | రేటింగ్ పాయింట్లు |
|---|---|---|---|
| 1 | ఉమర్ గుల్ | పాకిస్తాన్ | 865 |
| 2 | శామ్యూల్ బద్రీ | వెస్టిండీస్ | 864 |
| 3 | డేనియల్ వెట్టోరి | న్యూజిలాండ్ | 858 |
| 4 | సునీల్ నరైన్ | వెస్టిండీస్ | 832 |
| 5 | రషీద్ ఖాన్ | ఆఫ్ఘనిస్తాన్ | 828 |
| 6 | తబ్రేజ్ షమ్సీ | దక్షిణాఫ్రికా | 827 |
| 7 | షాహిద్ అఫ్రిది | పాకిస్తాన్ | 822 |
| 8 | వరుణ్ చక్రవర్తి | భారత్ | 818 |
| 9 | షాదాబ్ ఖాన్ | పాకిస్తాన్ | 811 |
| 10 | వనిందు హసరంగా | శ్రీలంక | 809 |
ఇప్పుడూ వరుణ్ చక్రవర్తి తదుపరి లక్ష్యంగా షాహిద్ అఫ్రిది సాధించిన 822 రేటింగ్ పాయింట్లపై దృష్టి పెట్టాడు. రాబోయే మ్యాచ్లలో కూడా ఇదే స్థాయి ప్రదర్శన కొనసాగిస్తే, అఫ్రిదిని దాటి ఆల్ టైమ్ టాప్ టెన్ జాబితాలో ఏడవ స్థానానికి చేరుకునే అవకాశం ఉంది.
ప్రస్తుత ఐసీసీ టీ20 బౌలింగ్ ర్యాంకింగ్స్లో వరుణ్ 818 పాయింట్లతో అగ్రస్థానంలో ఉండగా, రెండో స్థానంలో ఉన్న న్యూజిలాండ్ బౌలర్ జాకబ్ డఫీ కంటే అతనికి 119 పాయింట్ల భారీ ఆధిక్యం ఉంది. టాప్ టెన్ ర్యాంకింగ్స్లో చోటు దక్కించుకున్న ఏకైక భారతీయ బౌలర్ వరుణ్ మాత్రమే కావడం విశేషం. మరోవైపు సౌతాఫ్రికా సిరీస్కు దూరమైన అక్షర్ పటేల్ ప్రస్తుతం 636 రేటింగ్తో పదమూడో స్థానంలో కొనసాగుతున్నాడు.
మరిన్ని వార్తలు చదవండి: IPL 2026 Captains List: మినీ వేలం తర్వాత అన్ని జట్ల కెప్టెన్లు ఎవరో తెలుసా?
తరచుగా అడిగే ప్రశ్నలు
Q. వరుణ్ చక్రవర్తి ప్రస్తుతం ఐసీసీ టీ20 ర్యాంకింగ్స్లో ఏ స్థానంలో ఉన్నాడు
A.
వరుణ్ చక్రవర్తి ప్రస్తుతం ఐసీసీ టీ20 బౌలింగ్ ర్యాంకింగ్స్లో నంబర్ వన్ స్థానంలో ఉన్నాడు.
Q. వరుణ్ చక్రవర్తి సాధించిన ఘనత ప్రత్యేకత ఏమిటి
A.
టాప్ టెన్ ఆల్ టైమ్ టీ20 రేటింగ్స్లో చోటు దక్కించుకున్న ఏకైక భారతీయ బౌలర్గా వరుణ్ నిలిచాడు.
Krishna R
I am Krishna, a passionate Telugu cricket writer with over two years of experience in cricket coverage. With a deep love for the game, I focus on delivering sharp match analysis and insightful player stories in a clear, engaging style that connects strongly with Telugu readers.
మమ్మల్ని అనుసరించు
ట్విట్టర్
షేర్ చేయండి：
Please Login and Comment
సంబంధిత
ప్లేయర్:
వార్తలు:
నవీకరణలు
Karthik Pillai Ananya Kapoor Dev Iyer
ఐపీఎల్ ట్రెండింగ్ వార్తలు
తాజా వార్తలు
హాట్ ట్యాగ్లు
ఐపీఎల్ 2026 (339) క్రికెట్ వార్తలు (121) టీ20 ప్రపంచకప్ 2026 (70) టీ20 వరల్డ్ కప్ 2026 (65) విరాట్ కోహ్లీ (61) రోహిత్ శర్మ (58) ముంబై ఇండియన్స్ (54) రాజస్థాన్ రాయల్స్ (45) బీసీసీఐ (45) టీమిండియా (43) సూర్యకుమార్ యాదవ్ (39) T20 వరల్డ్ కప్ 2026 (31) హార్దిక్ పాండ్యా (29) ఢిల్లీ క్యాపిటల్స్ (28) చెన్నై సూపర్ కింగ్స్ (28) భారత క్రికెట్ (28) పీఎస్ఎల్ 2026 (27) గుజరాత్ టైటాన్స్ (26) బంగ్లాదేశ్ క్రికెట్ (26) ఆస్ట్రేలియా (25)
