IND vs SA మూడో టీ20: గిల్‌కు వేటా? సంజూ శాంసన్‌కు తుది జట్టులో చోటు

ధర్మశాల వేదికగా భారత్–దక్షిణాఫ్రికా మధ్య మూడో టీ20 మ్యాచ్ ఆదివారం జరగనుంది. ఈ మ్యాచ్‌లో తప్పనిసరిగా విజయం సాధించి, ముల్లాన్‌పూర్‌లో ఎదురైన ఘోర పరాజయానికి ప్రతీకారం తీర్చుకోవాలనే లక్ష్యంతో టీమిండియా బరిలోకి దిగుతోంది. ఇప్పటికే ధర్మశాలకు చేరుకున్న భారత జట్టు, శనివారం నెట్ ప్రాక్టీస్‌లో పాల్గొని కీలకంగా సన్నాహాలు చేస్తోంది.

ప్రస్తుతం ఐదు మ్యాచ్‌ల టీ20 సిరీస్ 1-1తో సమంగా ఉంది. సిరీస్‌లో ఆధిక్యం సాధించాలంటే మూడో టీ20లో గెలుపు అత్యంత కీలకం. ఈ నేపథ్యంలో భారత్ తమ తుది జట్టులో కొన్ని కీలక మార్పులు చేయనున్నట్లు సమాచారం. తొలి రెండు టీ20ల్లో ఘోరంగా విఫలమైన వైస్ కెప్టెన్ శుభ్‌మన్ గిల్‌పై వేటు పడే అవకాశాలు కనిపిస్తున్నాయి.

×

Suryakumar Yadav Batter

Suryakumar Yadav, known as KY or Mr 360, is an Indian cricketer who plays for Mumbai Indians.

సంజూకు మళ్లీ అవకాశం?

గిల్ స్థానంలో వికెట్‌కీపర్-బ్యాటర్ సంజూ శాంసన్‌ను తుది జట్టులోకి తీసుకునే అవకాశాలు ఎక్కువగా ఉన్నట్లు పలు నివేదికలు చెబుతున్నాయి. ఈ ఏడాది గిల్ టీ20 జట్టులోకి తిరిగి వచ్చే వరకు భారత ఇన్నింగ్స్‌ను అభిషేక్ శర్మ, సంజూ శాంసన్‌లు కలిసి ఆరంభించేవారు. ఆ సమయంలో ఓపెనర్‌గా సంజూ మూడు సెంచరీలు సాధించి అద్భుత ఫామ్‌లో కనిపించాడు.

అయితే గిల్ రీ-ఎంట్రీ తర్వాత సంజూ అనూహ్యంగా తుది జట్టులో నుంచి బయటకు వెళ్లాల్సి వచ్చింది. జట్టులో చోటు ఉన్నప్పటికీ, చాలా మ్యాచ్‌లలో అతడు బెంచ్‌కే పరిమితమయ్యాడు. ఈ నిర్ణయంపై హెడ్ కోచ్ గౌతమ్ గంభీర్‌పై తీవ్ర విమర్శలు వచ్చాయి. “గిల్ కోసం సంజూను బలిచేస్తారా?” అంటూ మాజీ క్రికెటర్లు సైతం అసంతృప్తి వ్యక్తం చేశారు.

Sanju Samson VS Shubman Gill

Start Your Comparison

Choose two players and format to begin your analysis

Sanju Samson

31y

Wicketkeeper-Batter

Right-handed

Right-arm Off Spin

VS

Age

Role

Batting Style

Bowling Style

26y

Batter

Right-Handed

Right-Arm Off-Spin

Match Format : t20

Shubman Gill

ఇప్పుడీ నేపథ్యంలో సంజూ శాంసన్‌ను మళ్లీ తుది జట్టులోకి తీసుకురావాలని గంభీర్ నిర్ణయించినట్లు బీసీసీఐ వర్గాలు వెల్లడిస్తున్నాయి. అంతర్జాతీయ టీ20ల్లో శుభ్‌మన్ గిల్ ప్రస్తుతం కఠిన పరిస్థితులను ఎదుర్కొంటున్నాడు. ఈ ఏడాది గిల్ 14 ఇన్నింగ్స్‌ల్లో 23.90 సగటుతో కేవలం 263 పరుగులే చేయగలిగాడు. దీంతో అతడిని టీ20 ఫార్మాట్ నుంచి తప్పించాలని పెద్ద ఎత్తున డిమాండ్లు వినిపిస్తున్నాయి.

అయితే నిజంగానే గౌతమ్ గంభీర్ మూడో టీ20 నుంచి గిల్‌ను తప్పిస్తాడా? లేక మరో అవకాశం ఇస్తాడా? అన్నది తెలుసుకోవాలంటే ఆదివారం మ్యాచ్ వరకు ఎదురుచూడాల్సిందే.

మూడో టీ20కు భారత తుది జట్టు (అంచనా):

×

India Founded: 1926

The India National Cricket Team represents India in international cricket and is one of the strongest teams in the world.

సంజూ శాంసన్, అభిషేక్ శర్మ, సూర్యకుమార్ యాదవ్(C), తిలక్ వర్మ, హార్దిక్ పాండ్యా, అక్షర్ పటేల్, జితేష్ శర్మ(W), అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, బుమ్రా

మరిన్ని వార్తలు చదవండి: IND vs SA 2వ టీ20 ఓటమి తర్వాత గంభీర్, హార్దిక్ మధ్య ఉద్రిక్తత!