IPL 2026 మినీ వేలం ముందు గ్రీన్ బిగ్ అప్‌డేట్.. మేనేజర్ తప్పిదమా?

ఇండియన్ ప్రీమియర్ లీగ్ (ఐపీఎల్)–2026 మినీ వేలం నేపథ్యంలో ఆస్ట్రేలియా స్టార్ ఆల్‌రౌండర్ కామెరాన్ గ్రీన్ తన స్థితిగతులపై స్పష్టత ఇచ్చాడు. ఈసారి ఐపీఎల్‌లో తాను బ్యాటింగ్‌తో పాటు బౌలింగ్ చేయడానికి కూడా పూర్తిగా సిద్ధంగా ఉన్నానని గ్రీన్ వెల్లడించాడు. రిజిస్ట్రేషన్ సమయంలో జరిగిన ఒక చిన్న తప్పిదం తన మేనేజర్ వల్ల జరిగి ఉండవచ్చని పేర్కొన్నాడు.

డిసెంబర్ 16న (మంగళవారం) అబుదాబి వేదికగా ఐపీఎల్–2026 మినీ వేలం జరగనుంది. ఈ వేలంలో ఖాళీగా ఉన్న 77 స్థానాల కోసం మొత్తం 350 మంది క్రికెటర్లు బరిలో నిలిచారు. వీరిలో 240 మంది భారతీయులు కాగా, 110 మంది విదేశీ ఆటగాళ్లు ఉన్నారు. ఈ నేపథ్యంలో కామెరాన్ గ్రీన్ పేరు బ్యాటర్‌గా మాత్రమే నమోదు కావడం పెద్ద చర్చకు దారితీసింది.

×

Cameron Green Batting Allrounder

Cameron Green is a young prodigy who rose through the ranks through grade cricket and burst onto the domestic scene with a 5-for on debut at the age of just 17.

ఆస్ట్రేలియా స్టార్ ఆల్‌రౌండర్ అయిన గ్రీన్ ఈసారి ‘ప్యూర్ బ్యాటర్’ కేటగిరీలో తన పేరును నమోదు చేసుకోవడం అభిమానులను, ఫ్రాంచైజీలను ఆశ్చర్యానికి గురిచేసింది. రూ.2 కోట్ల కనీస ధరతో సెట్–1లోనే గ్రీన్ వేలంలోకి రానున్నాడు. దీంతో ఈ సీజన్‌లో అతడు బౌలింగ్ చేయడా? లేదా అన్న సందేహాలు మొదలయ్యాయి. ఇది అతడి వేలం ధరపై ప్రభావం చూపే అవకాశముందని విశ్లేషకులు భావించారు.

మేనేజర్ పొరపాటే కారణం

ఈ అంశంపై స్పందించిన కామెరాన్ గ్రీన్, తాను బౌలింగ్‌కు పూర్తిగా ఫిట్‌గా ఉన్నానని స్పష్టం చేశాడు. యాషెస్ సిరీస్‌లో భాగంగా అడిలైడ్‌లో జరిగిన మూడో టెస్టుకు ముందు మీడియాతో మాట్లాడుతూ…
“నేను బౌలింగ్ చేయడానికి సిద్ధంగా ఉన్నాను. నన్ను బ్యాటర్‌గా మాత్రమే రిజిస్టర్ చేశారన్న విషయం మా మేనేజర్‌కు కూడా స్పష్టంగా తెలిసి ఉండకపోవచ్చు. పొరపాటున తప్పు ఆప్షన్ సెలెక్ట్ అయి ఉండొచ్చు. ఇది ఎలా జరిగిందో నాకు కూడా తెలియదు” అని గ్రీన్ తెలిపాడు.

×

Mumbai Indians Founded: 2008

Mumbai Indians, owned by Indiawin Sports, are one of the most successful franchises in the Indian Premier League (IPL).

కామెరాన్ గ్రీన్ 2023 ఐపీఎల్ సీజన్‌లో రూ.17.50 కోట్ల భారీ ధరకు ముంబై ఇండియన్స్ జట్టులో చేరాడు. ఆ సీజన్‌లో 452 పరుగులు చేయడంతో పాటు 6 వికెట్లు తీసి తన ఆల్‌రౌండ్ ప్రతిభను చాటాడు. ఆ తర్వాత 2024లో రాయల్ ఛాలెంజర్స్ బెంగళూరు జట్టు అతడిని ట్రేడ్ చేసుకుంది. ఆ సీజన్‌లో గ్రీన్ 255 పరుగులు చేయడంతో పాటు 10 వికెట్లు పడగొట్టి కీలక పాత్ర పోషించాడు.

అయితే 2025 సీజన్‌కు ముందు గాయపడటంతో గ్రీన్ ఐపీఎల్‌కు దూరమయ్యాడు. ఇప్పుడు పూర్తిగా కోలుకుని తిరిగి ఫిట్‌గా మారిన గ్రీన్‌పై 2026 వేలంలో భారీ అంచనాలు ఉన్నాయి. ప్రస్తుత ఫామ్‌, ఆల్‌రౌండ్ సామర్థ్యాన్ని దృష్టిలో ఉంచుకుంటే ఈసారి కూడా అతడు అత్యధిక ధర పలికే ఆటగాళ్లలో ఒకడిగా నిలవవచ్చని క్రికెట్ వర్గాలు భావిస్తున్నాయి.

మరిన్ని వార్తలు చదవండి: ఐపీఎల్ 2026 మినీ వేలానికి ముందు దీపక్ హుడాకు షాక్, బౌలింగ్ నిషేధ భయం