భారత్ పర్యటనలో కివీస్ కొత్త ముఖాలు.. పూర్తి స్క్వాడ్స్ వివరాలు

వచ్చే నెలలో భారత్‌తో జరగనున్న వన్డే, టీ20 సిరీస్‌ల కోసం న్యూజిలాండ్ క్రికెట్ బోర్డు తమ జట్లను అధికారికంగా ప్రకటించింది. ఈ పర్యటన జనవరి 11 నుంచి వడోదర వేదికగా మూడు మ్యాచ్‌ల వన్డే సిరీస్‌తో ప్రారంభం కానుంది. అనంతరం జనవరి 21 నుంచి నాగ్‌పూర్‌లో ఐదు మ్యాచ్‌ల టీ20 సిరీస్ జరగనుంది.

ఈ భారత పర్యటనకు న్యూజిలాండ్ యాజమాన్యం ప్రయోగాత్మక దృష్టితో జట్టును ఎంపిక చేసినట్లు స్పష్టంగా కనిపిస్తోంది. యువ ఆటగాళ్లకు, అంతర్జాతీయ అనుభవం తక్కువగా ఉన్న క్రికెటర్లకు ఈ సిరీస్‌లో ఎక్కువ అవకాశాలు కల్పించింది. ముఖ్యంగా లెఫ్ట్ ఆర్మ్ పేసర్ జేడెన్ లెన్నాక్స్ తొలిసారిగా వన్డే జట్టులోకి ఎంపిక కావడం విశేషం. అలాగే క్రిస్టియన్ క్లార్క్, ఆది అశోక్, జోష్ క్లార్క్‌సన్ వంటి యువ ఆటగాళ్లకు భారత్ లాంటి పెద్ద వేదికపై తమ సత్తా చాటుకునే అవకాశం దక్కింది.

×

Kane Williamson Batter

Kane Williamson, known as the Hurricane, is a New Zealand cricketer who has achieved numerous records and accolades in his career.

న్యూజిలాండ్ రెగ్యులర్ కెప్టెన్ మిచెల్ సాంట్నర్ గజ్జల గాయం కారణంగా వన్డే సిరీస్‌కు పూర్తిగా దూరమయ్యాడు. దీంతో వన్డే జట్టుకు ఆల్‌రౌండర్ మైఖేల్ బ్రేస్‌వెల్ కెప్టెన్‌గా వ్యవహరించనున్నాడు. అయితే టీ20 సిరీస్ ప్రారంభానికి సాంట్నర్ పూర్తిగా కోలుకుంటాడని భావిస్తున్న బోర్డు, అతడినే టీ20 జట్టు కెప్టెన్‌గా ప్రకటించింది.

మరోవైపు స్టార్ బ్యాటర్ కేన్ విలియమ్సన్ ఈ భారత పర్యటనకు అందుబాటులో లేడు. అతడు సౌతాఫ్రికాలో జరగనున్న SA20 లీగ్‌లో ఆడేందుకు నిర్ణయం తీసుకున్నాడు. అలాగే అనుభవజ్ఞుడు టామ్ లాథమ్ కూడా వన్డే సిరీస్‌కు దూరంగా ఉండటం గమనార్హం.

గాయాల కారణంగా కొంతకాలంగా జట్టుకు దూరమైన మార్క్ చాప్‌మన్, మ్యాట్ హెన్రీ మళ్లీ జట్టులోకి వచ్చారు. అయితే మ్యాట్ హెన్రీ మాత్రం రాబోయే టీ20 ప్రపంచకప్‌ను దృష్టిలో ఉంచుకుని వన్డే సిరీస్ ఆడటం లేదు. అతడు కేవలం టీ20 మ్యాచ్‌లకే పరిమితం కానున్నాడు. అలాగే బిజీ షెడ్యూల్ కారణంగా రచిన్ రవీంద్ర, జాకబ్ డఫీకి వన్డే సిరీస్ నుంచి విశ్రాంతినిచ్చారు.

×

New Zealand Founded: 1894

The New Zealand cricket team, known as the Black Caps, is a competitive side in international cricket, having reached the finals of major tournaments such as the World Cup and the T20 World Cup.

మొత్తానికి ఈసారి న్యూజిలాండ్ జట్టు పూర్తిస్థాయిలో ప్రయోగాత్మక బృందంతో భారత్‌లో అడుగుపెట్టనున్నట్లు తెలుస్తోంది. యువ ఆటగాళ్ల ప్రదర్శనపై కివీస్ యాజమాన్యం ప్రత్యేకంగా దృష్టి పెట్టినట్లు స్పష్టమవుతోంది.

న్యూజిలాండ్ వన్డే స్క్వాడ్:

మైఖేల్ బ్రేస్‌వెల్ (కెప్టెన్), ఆది అశోక్, క్రిస్టియన్ క్లార్క్, జోష్ క్లార్క్‌సన్, డెవాన్ కాన్వే, జాక్ ఫాల్క్స్, మిచ్ హే (వికెట్ కీపర్), కైల్ జేమీసన్, నిక్ కెల్లీ, జేడెన్ లెన్నాక్స్, డారిల్ మిచెల్, హెన్రీ నికోల్స్, గ్లెన్ ఫిలిప్స్, మైఖేల్ రే, విల్ యంగ్.

న్యూజిలాండ్ టీ20 స్క్వాడ్:

మిచెల్ సాంట్నర్ (కెప్టెన్), మైఖేల్ బ్రేస్‌వెల్, మార్క్ చాప్‌మన్, డెవాన్ కాన్వే (వికెట్ కీపర్), జాకబ్ డఫీ, జాక్ ఫాల్క్స్, మ్యాట్ హెన్రీ, కైల్ జేమీసన్, బెవాన్ జాకబ్స్, డారిల్ మిచెల్, జేమ్స్ నీషమ్, గ్లెన్ ఫిలిప్స్, రచిన్ రవీంద్ర, టిమ్ రాబిన్సన్, ఈష్ సోధి.

మరిన్ని వార్తలు చదవండి: భారత్ vs న్యూజిలాండ్ 2026: పూర్తి ODI & T20I షెడ్యూల్, జట్లు & లైవ్ స్ట్రీమ్