రాయల్స్ బౌలర్ల ధాటికి ఈస్ట్రన్‌కేప్ కుప్పకూలింది, విజయాన్ని అందుకున్న రాయల్స్

పూర్తి వివరాల్లోకి వెళితే, టాస్ గెలిచి బ్యాటింగ్ ఎంచుకున్న ఈస్ట్రన్‌కేప్ జట్టుకు రాయల్స్ బౌలర్లు చుక్కలు చూపించారు. ప్రారంభం నుంచే కట్టుదిట్టమైన బౌలింగ్‌తో ప్రత్యర్థి బ్యాటింగ్ లైనప్‌ను కుదిపేశారు.

మొకొయెనా అద్భుతంగా బౌలింగ్ చేస్తూ నాలుగు ఓవర్లలో 34 పరుగులు ఇచ్చి నాలుగు వికెట్లు పడగొట్టాడు. అతనికి ఓట్నీల్ బార్ట్‌మన్ చక్కని సహకారం అందిస్తూ 36 పరుగులకే మూడు వికెట్లు తీసాడు. ఫోర్టుయిన్ పరుగులను కట్టడి చేయడంలో విజయవంతమయ్యాడు. ముజీబ్ రెహ్మాన్ మరియు డెలానో పొట్గెటర్ ఒక్కో వికెట్ తీస్తూ ప్రత్యర్థి స్కోరును నియంత్రించారు.

రాయల్స్ బౌలర్ల సమిష్టి ధాటికి ఈస్ట్రన్‌కేప్ జట్టు నిర్ణీత ఓవర్లలో 149 పరుగులకే ఆలౌట్ అయింది.

ఈస్ట్రన్‌కేప్ ఇన్నింగ్స్‌లో జోర్డన్ హెర్మన్ 47 పరుగులతో టాప్ స్కోరర్‌గా నిలిచాడు. జానీ బెయిర్‌స్టో 33 పరుగులతో ఓ మోస్తరు సహకారం అందించాడు. కెప్టెన్ స్టబ్స్ మరియు మార్కో జన్సెన్ తలా 17 పరుగులు చేశారు. మిగతా బ్యాటర్లలో బ్రీట్జ్కీ 13, డికాక్ 7, గ్రెగరీ 5, ముత్తుసామి 2, నోర్జే 4 పరుగులు చేశారు. రత్నాయకే ఒక పరుగు చేసి నాటౌట్‌గా నిలిచాడు.

స్వల్ప లక్ష్య ఛేదనలో తడబడినా గెలిచిన రాయల్స్

×

డేవిడ్ మిల్లర్ బ్యాటర్

David Miller is a South African explosive left-handed batsman, nicknamed "Killer Miller," known as a premier finisher in limited-overs cricket, famous for his aggressive hitting and for being the second-fastest T20I centurion (vs Bangladesh, 2017) and instrumental in Gujarat Titans' IPL title win (2022), currently playing for Delhi Capitals (DC) in the IPL after being bought in the 2026 auction for ₹2 Cr, also featuring for South Africa, and various global T20 leagues like CPL, MLC, and SA20.

150 పరుగుల లక్ష్యంతో బరిలోకి దిగిన రాయల్స్ కూడా ఆరంభంలో తడబడ్డారు. మిల్నే, మార్కో జన్సెన్, నోర్జే కట్టుదిట్టమైన బౌలింగ్‌తో పరుగులను నియంత్రించారు.

అయితే అనుభవజ్ఞుడు డేవిడ్ మిల్లర్, కీగన్ లయన్ 45 పరుగుల సహకారంతో ఇన్నింగ్స్‌ను నిలబెట్టారు. వీరి సమయోచిత బ్యాటింగ్‌తో రాయల్స్ 19.4 ఓవర్లలో ఐదు వికెట్లు కోల్పోయి లక్ష్యాన్ని ఛేదించింది.

రాయల్స్ ఇన్నింగ్స్‌లో ప్రిటోరియస్ 11, ట్రైబ్ 7, హెర్మన్ 9, వెర్రిన్ 3 పరుగులతో విఫలమయ్యారు.

మరిన్నివార్తలుచదవండి: అర్జున్ టెండూల్కర్ బౌలింగ్‌పై దాడి.. సర్ఫరాజ్ ఖాన్ రికార్డ్ బ్రేకింగ్ షో