ఇటీవల పాకిస్థాన్ సూపర్ లీగ్లో రెండు కొత్త జట్ల అమ్మకాల సమయంలో భారీ విలువలు నమోదవడంతో, పాకిస్థాన్ క్రికెట్ బోర్డు ఇప్పుడు ముల్తాన్ సుల్తాన్స్ ఫ్రాంచైజీని కూడా వేలానికి పెట్టేందుకు సిద్ధమవుతున్నట్లు సమాచారం. జియో సూపర్కు తెలిసిన వర్గాల ప్రకారం, ఇది బోర్డు గతంలో ప్రకటించిన తాత్కాలిక ప్రణాళికకు భిన్నమైన నిర్ణయంగా మారింది.
గత నెలలో, ప్రస్తుత యాజమాన్య ఒప్పందం 2025 డిసెంబర్ 31తో ముగియనుండటంతో, ముల్తాన్ సుల్తాన్స్ జట్టును స్వయంగా బోర్డే నిర్వహిస్తుందని పాకిస్థాన్ క్రికెట్ బోర్డు వెల్లడించింది. ఆ ప్రణాళిక ప్రకారం, ఒక సీజన్ పాటు జట్టును బోర్డు నడిపి, 2027లో వేలం వేయాలని భావించారు. ఇలా చేస్తే కేంద్ర ఆదాయ నిధులు, ప్రాయోజక వాటాల రూపంలో దాదాపు నలభై లక్షల అమెరికన్ డాలర్లు ఆదా అవుతాయని అంచనా వేశారు. అయితే అదే సమయంలో సుమారు ఎనభై ఐదు లక్షల డాలర్ల ఫ్రాంచైజీ ఫీజును బోర్డు కోల్పోతుందని ఆడిట్ నివేదిక స్పష్టం చేసింది.
నవంబర్లో పరిస్థితి మరింత మలుపు తిరిగింది. అప్పటి యజమాని అలీ తరీన్ ఫ్రాంచైజీ నుంచి తప్పుకుంటున్నట్లు బహిరంగంగా ప్రకటించాడు. గత ఏడాది కాలంగా అతనికి, బోర్డుకు మధ్య సంబంధాలు సరిగా లేకపోవడంతో, చివరికి కలిసి కొనసాగడం అసాధ్యమైందని సమాచారం.
న్యూజిలాండ్ వన్డే సిరీస్కు ముందు భారత్కు భారీ షాక్ – గాయంతో రిషభ్ పంత్ సిరీస్కు దూరం
ముల్తాన్ సుల్తాన్స్ను తాత్కాలికంగా పీసీబీ నిర్వహణ
ముల్తాన్ సుల్తాన్స్ను 2018లో పాకిస్థాన్ సూపర్ లీగ్లో ఆరవ జట్టుగా ప్రవేశపెట్టారు. తొలుత ఈ ఫ్రాంచైజీని షోన్ గ్రూప్ యాభై రెండు లక్షల డాలర్లకు దక్కించుకుంది. అప్పట్లో అది లీగ్లోనే అత్యంత ఖరీదైన జట్టుగా నిలిచింది. తరువాత యాజమాన్యం మారినా, ముల్తాన్ సుల్తాన్స్ లీగ్లో అత్యంత పోటీగల జట్లలో ఒకటిగా ఎదిగింది.
ఇప్పుడు ఈ ఫ్రాంచైజీని వేలానికి పెట్టాలన్న నిర్ణయానికి ప్రధాన కారణం పాకిస్థాన్ సూపర్ లీగ్ విస్తరణలో బోర్డు సాధించిన విజయం. తాజాగా హైదరాబాద్, సియాల్కోట్ అనే రెండు కొత్త జట్లు రికార్డు ధరలకు అమ్ముడయ్యాయి. దీంతో పదకొండో సీజన్ నుంచి పాకిస్థాన్ సూపర్ లీగ్ ఎనిమిది జట్లతో కొనసాగనుంది. ఈ అమ్మకాలు పెట్టుబడిదారుల విశ్వాసాన్ని స్పష్టంగా చూపించడంతో పాటు, లీగ్ వాణిజ్య విలువను గణనీయంగా పెంచాయి.
ఈ విషయాన్ని పాకిస్థాన్ క్రికెట్ బోర్డు చైర్మన్ మోహ్సిన్ నక్వీ కూడా ధృవీకరించారు. “రాబోయే పాకిస్థాన్ సూపర్ లీగ్ సీజన్లో ముల్తాన్ సుల్తాన్స్ జట్టును బోర్డే నిర్వహిస్తుంది. మార్చి 26 నుంచి మే 3, 2026 వరకు జరిగే టోర్నమెంట్ పూర్తైన తర్వాత, ఈ ఫ్రాంచైజీని వేలానికి పెట్టి విక్రయిస్తాం,” అని ఆయన తెలిపారు. ఈ సీజన్ కోసం తాత్కాలిక నిర్వహణ బృందాన్ని, అలాగే ఒక ప్రొఫెషనల్ క్రికెటర్ను త్వరలోనే నియమించనున్నట్లు కూడా ఆయన వెల్లడించారు.
T20 వరల్డ్ కప్ 2026 వేదికల వివాదంలో కొత్త మలుపు – బంగ్లాదేశ్ మ్యాచ్లకు పాకిస్థాన్ ఆతిథ్య ఆఫర్
