స్మృతి మంధాన పెళ్లిపై వస్తున్న పుకార్లకు ముగింపు: అసలు నిజం ఇదే

టీమిండియా లేడీ కోహ్లీగా పేరొందిన స్మృతి మంధాన మరియు బాలీవుడ్ మ్యూజిక్ డైరెక్టర్ పలాష్ ముచ్చల్ పెళ్లి సడన్‌గా రద్దయిపోయిందన్న వార్తలు చక్కర్లు కొడుతున్నాయి. నవంబర్ 23న ఈ లవ్ బర్డ్స్ పెళ్లి జరగాల్సి ఉండగా, స్మృతి తండ్రికి గుండెపోటు రావడంతో కుటుంబం పెళ్లిని వాయిదా వేసింది.

కానీ అప్పటి నుంచి ఇప్పటి వరకు “పెళ్లి పూర్తిగా రద్దయింది”, “పలాష్ స్మృతిని మోసం చేశాడు” వంటి పుకార్లు సోషల్ మీడియాలో విపరీతంగా వైరల్ అయ్యాయి.

అయితే తాజాగా స్మృతి మంధాన, పలాష్ ముచ్చల్ ఇద్దరూ ఒక చిన్న చర్యతోనే ఈ రూమర్స్‌కు బ్రేక్ వేశారు. తమ ఇన్‌స్టాగ్రామ్ బయోలో దిష్టి రక్ష ఎమోజీ పెట్టడం ద్వారా “మా మధ్య ఎలాంటి సమస్యలు లేవు” అని స్పష్టమైన సందేశాన్ని పంపించారు.

స్మృతి తండ్రి గుండెపోటు లక్షణాలతో ఆసుపత్రిలో ఉన్నందున పెళ్లి వాయిదా పడింది. ఆ తర్వాత పెళ్లికి సంబంధించిన పోస్టులను స్మృతి తన సోషల్ మీడియాలో తొలగించింది. ముఖ్యంగా పలాష్ ప్రపోజ్ చేసిన వీడియోను రిమూవ్ చేయడంతో మరింత గుసగుసలు మొదలయ్యాయి. స్మృతి స్నేహితులు జెమీమా, శ్రేయాంక్ పాటిల్ కూడా ఆ వీడియోలను తీసేయడం ఈ రూమర్లకు ఇంకాస్త బలం ఇచ్చింది.

ఇంతలో, స్మృతి–పలాష్ మధ్య మనస్పర్థలు వచ్చాయన్న వార్తలు వెలువడ్డాయి. అదేకాక, పలాష్ మరొక మహిళతో జరిపినట్లు చెప్పబడిన సీక్రెట్ చాట్స్ కూడా నెట్టింట వైరల్ అయ్యాయి. అందులో స్మృతిని అవమానించే విధంగా పలాష్ మాట్లాడాడనే ఆరోపణలు వచ్చాయి.

ఇంకా సంగీత్‌కు వచ్చిన ఓ కొరియోగ్రాఫర్‌తో పలాష్ అత్యంత సన్నిహితంగా ఉండటాన్ని స్మృతి కుటుంబ సభ్యులు చూసారనే మరో స్టోరీ కూడా ప్రచారంలోకి వచ్చింది. ఈ కారణం వల్లే పెళ్లి ఆగిపోయిందని సోషల్ మీడియాలో కథలు వినిపించాయి.

కానీ ఈ న్యూస్‌లన్నింటికి స్మృతి ఒకే ఎమోజీతో దిష్టి రక్ష క్లియర్ కట్ రిప్లై ఇచ్చింది. అంటే, “మా మధ్య ఎలాంటి ఇబ్బందులు లేవు, పుకార్లను నమ్మకండి” అనేది స్పష్టంగా తెలిసేలా చేసింది.

మరిన్ని వార్తలు చదవండి: హార్దిక్ పాండ్యా ఫిట్‌నెస్ క్లియరెన్స్ పొందాడు, IND vs SA T20Is ముందు బరోడా కోసం 3 మ్యాచ్‌లు ఆడే ఛాన్స్