2026 U-19 వరల్డ్ కప్‌ కోసం దక్షిణాఫ్రికా 15 మంది యువ క్రికెటర్ల జట్టు ప్రకటించింది

2026 జనవరి 15 నుంచి ఫిబ్రవరి 6 వరకూ నమీబియా–జింబాబ్వే‌లో జరగబోయే అండర్–19 పురుషుల ప్రపంచకప్ కోసం 15 మంది స్క్వాడ్‌ను దక్షిణాఫ్రికా అధికారికంగా ప్రకటించింది. ఇది టోర్నమెంట్‌కి 16వ ఎడిషన్. ప్రతీసారి లాగే ఈసారి కూడా యువ ప్రతిభతో బలమైన ముద్ర వేయాలని దక్షిణాఫ్రికా లక్ష్యంగా పెట్టుకుంది.

ఇటీవల జరిగిన యువత టోర్నీల్లో అద్భుత ప్రదర్శనలిచ్చిన ముహమ్మద్ బుల్‌బులియాను జట్టు కెప్టెన్‌గా నియమించారు. గ్రూప్‌-Dలో ఉన్న దక్షిణాఫ్రికా, గ్రూప్ స్టేజ్‌లో వెెస్ట్ ఇండీస్, అఫ్గానిస్తాన్, టాంజానియాతో తలపడనుంది. ఇందుకు ముందు, జనవరి 5–7 మధ్య బెనోనీలోని విల్లోమూర్ పార్క్‌లో భారత అండర్–19 జట్టుతో మూడు యూత్ ODIలు ఆడుతూ సన్నద్ధమవుతున్నారు.

హెడ్ కోచ్ మలిబోంగ్వే మకేటా జట్టు అభివృద్ధిపై తన సంతోషాన్ని వ్యక్తం చేశారు. గత కొన్నేళ్లలో ఈ యువత ఎలా ఎదిగిందో, 16 ఏళ్ల ఆసక్తిగల పిల్లల నుంచి ప్రొఫెషనల్ మైండ్‌సెట్‌తో దేశం కోసం ఆడడానికి సిద్ధమైన ప్లేయర్లుగా ఎలా మారారో కళ్లప్పగించి చూశానన్నారు.

అంతర్జాతీయ స్థాయిలో అవసరమయ్యే స్టాండర్డ్స్‌ గురించి జట్టులో ప్రతి ఒక్కరూ మరింత స్పష్టతతో ఉన్నారని మకేటా ప్రశంసించారు. తమ కోచ్‌ల దగ్గర పనిచేసి మరింత దృఢ సంకల్పంతో, ఎక్కువ హంగర్‌తో తిరిగి వచ్చారు. అటువంటి దృక్పథమే ప్రపంచకప్‌లో నిలబడటానికి కావాల్సింది అని ఆయన పేర్కొన్నారు.

ఇంకా, జట్టులో ఏర్పడ్డ కల్చర్ గురించి మాట్లాడుతూ, రెసిలియన్స్, టీమ్‌వర్క్, సెల్ఫ్‌లెస్ ప్లే లాంటి విలువలను ఈ గ్రూప్ పూర్తిగా అంగీకరించిందని చెప్పారు. జట్టులోని ఈ సంతులనం, ధైర్యం, శాంతత ఆయనకు టోర్నమెంట్ ముందు భారీ నమ్మకం ఇస్తున్నాయన్నారు. దక్షిణాఫ్రికా తమ మొదటి మ్యాచ్‌ను జనవరి 16, 2026న విండ్హోక్‌లోని HP ఓవల్‌లో అఫ్గానిస్తాన్‌తో ఆడుతుంది.

దక్షిణాఫ్రికా U-19 పూర్తి జట్టు:

ముహమ్మద్ బుల్బులియా (కెప్టెన్), జేజే బాసన్ (లయన్స్), డానియల్ బాస్మన్ (వెస్టర్న్ ప్రావిన్స్), కార్నే బోతా (లయన్స్), పాల్ జేమ్స్ (వెస్టరన్ ప్రావిన్స్), ఎనాతి ఖిత్షిని తెంబలెతు (ఎస్‌డబ్ల్యూడి), మైఖేల్ క్రూయిస్‌కాంప్ (వెస్టరన్ ప్రావిన్స్), అద్నాన్ లగాడియన్ (వెస్టరన్ ప్రావిన్స్), బయాండా మజోలా (డాల్ఫిన్స్), ఆర్మాన్ మానాక్ (లయన్స్), బాండిలే మ్బాతా (డాల్ఫిన్స్), లెతాబో ఫలమోహ్లాకా (టైటాన్స్), జేసన్ రౌల్స్ (లయన్స్), ఎంటాండోయెంకోసి సోని (ఈస్టరన్ ప్రావిన్స్), జోరిచ్ వాన్ షాల్క్‌వైక్ (టైటాన్స్).