Virat Kohli 53rd ODI Century: కింగ్ ఈజ్ బ్యాక్! వరుసగా రెండో సెంచరీతో వన్డేలలో కోహ్లీ గర్జన..

టీమిండియా స్టార్ బ్యాట్స్‌మన్ విరాట్ కోహ్లీ సౌతాఫ్రికాతో జరుగుతున్న వన్డే సిరీస్‌లో తన అద్భుతమైన ఫామ్‌ను కొనసాగిస్తున్నాడు. రాంచీలో జరిగిన తొలి వన్డేలో శతకం నమోదు చేసిన కోహ్లీ, రాయ్‌పూర్‌లో జరిగిన రెండో వన్డేలో కూడా మరో పవర్‌ఫుల్ సెంచరీతో రాణించాడు. కేవలం మూడు మ్యాచ్‌ల సిరీస్‌లో ఇది కోహ్లీకి వరుసగా రెండో సెంచరీ కావడం విశేషం.

వన్డేల్లో 53వ సెంచరీ

రాయ్‌పూర్ రెండో వన్డేలో కోహ్లీ 90 బంతుల్లో తన శతకం పూర్తి చేశాడు. ఈ ఇన్నింగ్స్‌లో అతను ఏడు ఫోర్లు, రెండు సిక్స్‌లు బాదాడు. 38వ ఓవర్ చివరి బంతికి ఒక పరుగు తీసి తన కెరీర్‌లో 53వ వన్డే సెంచరీని అందుకున్నాడు.

ఇందుకు ముందుగా రాంచీ వన్డేలో 120 బంతుల్లో 135 పరుగులు చేసి మెరిసాడు. ఆ సెంచరీతో కోహ్లీ, ఒకే ఫార్మాట్‌లో 51 కంటే ఎక్కువ సెంచరీలు చేసిన ప్రపంచంలో తొలి ఆటగాడిగా నిలిచి, సచిన్ టెండూల్కర్ రికార్డును అధిగమించాడు.

రాయ్‌పూర్ మ్యాచ్‌లో కోహ్లీ 93 బంతుల్లో ఏడు ఫోర్లు, రెండు సిక్సర్లతో 102 పరుగులు చేశాడు. 40వ ఓవర్ తొలి బంతికి ఏరియల్ షాట్ ఆడే ప్రయత్నంలో మార్క్రామ్‌కు క్యాచ్ ఇచ్చి పెవిలియన్ చేరాడు.

రుతురాజ్‌తో రికార్డు భాగస్వామ్యం

ఓపెనర్లు త్వరగా ఔటైనా, కోహ్లీ–రుతురాజ్ జోడీ భారత ఇన్నింగ్స్‌ను చక్కగా ముందుకు నడిపింది. ఈ ఇద్దరూ కలిసి మూడో వికెట్‌కు 156 బంతుల్లో 195 పరుగుల భారీ భాగస్వామ్యాన్ని నమోదు చేశారు.
ఈ మ్యాచ్‌లో రుతురాజ్ కూడా 77 బంతుల్లో తన తొలి వన్డే సెంచరీని సాధించాడు. ఈ రెండు సెంచరీలతో భారత్ భారీ స్కోరు వైపు దూసుకెళ్లింది.

ఐసీసీ ర్యాంకింగ్స్‌లో దూకుడు

కోహ్లీ ఈ అద్భుత ప్రదర్శన ప్రభావం వెంటనే ర్యాంకింగ్స్‌లో కనిపించింది. ICC తాజా వన్డే బ్యాటింగ్ ర్యాంకింగ్స్‌లో అతను నాలుగో స్థానానికి చేరుకున్నాడు. రాంచీ సెంచరీతో వచ్చిన రేటింగ్ పాయింట్లు అతనికి పెద్ద బూస్ట్‌గా మారాయి.

ప్రస్తుతం కోహ్లీ 751 రేటింగ్ పాయింట్లతో నాల్గవ స్థానంలో ఉన్నాడు.
అతని ముందుగా 

• రోహిత్ శర్మ (783)

• డారిల్ మిచెల్ (766)

• ఇబ్రహీం జద్రాన్ (764) ఉన్నారు.

మెడ గాయంతో సౌతాఫ్రికా సిరీస్‌కు దూరమైన శుభ్‌మన్ గిల్ ఐదో స్థానానికి పడిపోయాడు. అతన్ని కోహ్లీ అధిగమించాడు.

మరిన్ని వార్తలు చదవండి: ఐసీసీ వన్డే ర్యాంకింగ్స్: కోహ్లి vs రోహిత్ అగ్రస్థానానికి హాట్ రేస్