భారత మహిళల క్రికెట్ జట్టు స్టార్ బ్యాటర్ జెమిమా రోడ్రిగ్స్ను, మహిళ ప్రీమియర్ లీగ్ (WPL) 2026 సీజన్కు ఢిల్లీ క్యాపిటల్స్ కొత్త కెప్టెన్గా నియమించనున్నట్లు సమాచారం. వేలానికి ముందే ఢిల్లీ ఫ్రాంచైజీ జెమిమాను రూ.2.2 కోట్లకు రిటైన్ చేసుకోగా, WPL నాలుగో సీజన్ జనవరి 8 నుంచి ప్రారంభం కానుంది.
Cricbuzz కథనం ప్రకారం, డిసెంబర్ 23న ఢిల్లీ క్యాపిటల్స్ జెమిమా కెప్టెన్సీని అధికారికంగా ప్రకటించనుంది. గత మూడు సీజన్లలో జట్టును నడిపించిన మెగ్ లానింగ్ను ఈ ఏడాది మెగా వేలానికి ముందు విడుదల చేయడంతో, కొత్త కెప్టెన్ ఎంపిక అవసరమైంది. మూడు సీజన్లలోనూ ఫైనల్కు చేరినప్పటికీ, ఢిల్లీ క్యాపిటల్స్ ఇంకా తమ తొలి WPL టైటిల్ను గెలవలేకపోయింది.
వేలం అనంతరం ఢిల్లీ క్యాపిటల్స్ సహ యజమాని పార్థ్ జిందాల్ మాట్లాడుతూ, “మాకు భారతీయ ఆటగాడే కెప్టెన్గా ఉండాలి. ఈ విషయంలో మా నిర్ణయం పూర్తిగా ఖరారైంది,” అని స్పష్టం చేశారు. అప్పటి నుంచే జెమిమా కెప్టెన్సీ ఖాయమనే సంకేతాలు స్పష్టంగా కనిపించాయి.
ఇప్పటివరకు WPLలో జెమిమా 27 మ్యాచ్లు ఆడి 507 పరుగులు చేసింది. ఆమె సగటు 28.16గా ఉంది. అంతేకాదు, వన్డే వరల్డ్ కప్లో భారత జట్టు విజయాల్లో ఆమె కీలక పాత్ర పోషించి అద్భుత ఫామ్లో కనిపించింది.
ఇప్పుడు బ్యాటింగ్ బాధ్యతలతో పాటు కెప్టెన్సీ బాధ్యతలు కూడా జెమిమా భుజాలపై పడనున్నాయి. 2026 సీజన్లో ఢిల్లీ క్యాపిటల్స్కు తొలి WPL టైటిల్ అందించే నాయకురాలిగా ఆమె మారుతుందా అన్న ఆసక్తి అభిమానుల్లో భారీగా నెలకొంది.
ఢిల్లీ క్యాపిటల్స్ (DC) పూర్తి జట్టు
జెమిమా రోడ్రిగ్స్
షెఫాలి వర్మ
అన్నాబెల్ సదర్లాండ్
మారిజాన్ కాప్
నికి ప్రసాద్
లారా వోల్వార్డ్
చినెల్ హెన్రీ
శ్రీ చరణి
స్నేహ్ రాణా
లిజెల్ లీ (వికెట్కీపర్)
దీయా యాదవ్
తానియా భాటియా (వికెట్కీపర్)
మమత మాడివాల (వికెట్కీపర్)
నందని శర్మ
లూసీ హామిల్టన్
మిన్ను మణి
విరాట్ కోహ్లీనా? జో రూట్నా? 2025 ODI బెస్ట్ ప్లేయర్ ఎవరో చూస్తే షాక్ అవుతారు!
