ది 50 రియాలిటీ షోలో చాహల్ ధనశ్రీ కలిసి కనిపించనున్నారా? వైరల్ అవుతున్న వార్త

అతి త్వరలో ప్రారంభం కానున్న ది 50 అనే సరికొత్త రియాలిటీ షోపై భారీ అంచనాలు ఏర్పడ్డాయి. ఈ షోలో టీమిండియా స్టార్ స్పిన్నర్ యుజ్వేంద్ర చాహల్, అతని మాజీ భార్య ధనశ్రీ వర్మ కలిసి కంటెస్టెంట్లుగా పాల్గొనబోతున్నారనే వార్త సోషల్ మీడియాలో వైరల్ అవుతోంది. వివిధ రంగాలకు చెందిన ప్రముఖులు ఈ షోలో పాల్గొననుండగా, విడిపోయిన ఈ జంట ఒకే వేదికపై కనిపిస్తుందనే ప్రచారం ప్రేక్షకుల్లో ఆసక్తిని పెంచుతోంది.

టీమిండియా క్రికెటర్ యుజ్వేంద్ర చాహల్, డ్యాన్సర్ మరియు సోషల్ మీడియా ఇన్‌ఫ్లుయెన్సర్ ధనశ్రీ వర్మ గురించి నెట్టింట ఎప్పుడూ ఏదో ఒక వార్త చక్కర్లు కొడుతూనే ఉంటుంది. ఒకప్పుడు క్రేజీ కపుల్‌గా అభిమానులను ఆకట్టుకున్న ఈ జంట విడిపోయినప్పుడు చాలామందికి నిరాశ కలిగింది. అయితే విడాకులు తీసుకున్న దాదాపు 11 నెలల తర్వాత వీరిద్దరూ మళ్లీ ఒకే వేదికపై కనిపించబోతున్నారనే వార్త ఫ్యాన్స్‌లో ఉత్సుకతను పెంచుతోంది.

తాజా నివేదికల ప్రకారం, ఫిబ్రవరి 1 నుంచి ప్రారంభం కానున్న ది 50 రియాలిటీ షోలో చాహల్, ధనశ్రీ ఇద్దరూ కంటెస్టెంట్లుగా పాల్గొననున్నట్లు సమాచారం. మేకర్స్ ఇంకా అధికారికంగా పాల్గొనే వారి జాబితాను ప్రకటించకపోయినా, విడిపోయిన ఈ జంట ఒకే షోలో కనిపిస్తే రేటింగ్స్ భారీగా పెరుగుతాయనే అంచనాలు ఉన్నాయి. ఈ షో జియో హాట్‌స్టార్‌లో రాత్రి 9 గంటలకు స్ట్రీమింగ్ అవుతుండగా, అదే రోజున రాత్రి 10 గంటల 30 నిమిషాలకు కలర్స్ ఛానల్‌లో టెలివిజన్ ప్రసారం కానుంది.

చాహల్, ధనశ్రీల పరిచయం 2020 లాక్‌డౌన్ సమయంలో మొదలైంది. అదే ఏడాది డిసెంబర్‌లో వీరిద్దరూ వివాహం చేసుకున్నారు. ధనశ్రీ తన డ్యాన్స్ వీడియోలతో సోషల్ మీడియాలో ఎంతగా పాపులర్ అయిందో, చాహల్ వికెట్ తీసిన ప్రతీసారి స్టేడియంలో ఆమె ఇచ్చే ఎక్స్‌ప్రెషన్లు అంతకంటే ఎక్కువగా వైరల్ అయ్యేవి. అయితే 2024లో వీరి మధ్య విభేదాలు మొదలవగా, చివరకు మార్చి 2025లో చట్టబద్ధంగా విడాకులు తీసుకుని విడిపోయారు. అప్పటి నుంచి వీరిద్దరూ కలిసి ఎలాంటి పబ్లిక్ ఈవెంట్‌లోనూ కనిపించలేదు.

ధనశ్రీతో విడిపోయిన తర్వాత చాహల్ పేరు ఆర్జే మహ్వాష్‌తో వినిపిస్తోంది. ఐపీఎల్ మ్యాచ్‌ల సమయంలో మహ్వాష్ స్టేడియంలో కనిపించడం, చాహల్ టీమ్‌కు మద్దతు ఇవ్వడం వల్ల వీరిద్దరూ డేటింగ్‌లో ఉన్నారనే రూమర్లు బలంగా వినిపిస్తున్నాయి. ఇక చాహల్ క్రికెట్ కెరీర్ విషయానికి వస్తే, అతను భారత్ తరపున 72 వన్డేలు, 80 టీ20 మ్యాచ్‌లు ఆడి 200కుపైగా వికెట్లు సాధించాడు. 2023 ఆగస్టు తర్వాత అతను అంతర్జాతీయ మ్యాచ్‌ల్లో కనిపించలేదు. ఇప్పుడు రియాలిటీ షో ద్వారా చాహల్ తన వ్యక్తిగత జీవితానికి సంబంధించిన విషయాలను బయటపెడతాడా లేదా అన్నది చూడాలి.

మరిన్నివార్తలుచదవండి: స్టీవ్ స్మిత్ 37వ టెస్ట్ సెంచరీ, యాషెస్ ఐదో టెస్టులో ఆస్ట్రేలియా ఆధిపత్యం