డోప్ టెస్ట్ వివాదం: ఆర్సీబీ క్రికెటర్‌తో పాటు మరో క్రీడాకారుడిపై 8 ఏళ్ల నిషేధం

భారత క్రీడారంగంలో మరోసారి డోపింగ్ కలకలం రేగింది. ఒక క్రికెటర్, ఒక అథ్లెట్ డోప్ టెస్టులో పాజిటివ్‌గా తేలడంతో జాతీయ డోపింగ్ నిరోధక సంస్థ (నాడా – NADA) వారిపై కఠిన చర్యలు చేపట్టింది. ఒక క్రీడాకారుడికి తాత్కాలిక సస్పెన్షన్ విధించగా, మరొకరికి ఏకంగా ఎనిమిది సంవత్సరాల నిషేధం విధించి షాక్ ఇచ్చింది.

భారతదేశంలో డోప్ టెస్టులకు సంబంధించిన కేసులు గతంలోనూ పలుమార్లు వెలుగులోకి వచ్చాయి. ఒకప్పుడు టీమిండియా ఓపెనర్ పృథ్వీ షా కూడా డోప్ టెస్టులో విఫలమైన విషయం తెలిసిందే. అయితే తాను ఉద్దేశపూర్వకంగా నిషేధిత పదార్థాలు తీసుకోలేదని, తెలియక తప్పు మందు వాడటం వల్లే ఈ సమస్య వచ్చిందని అప్పట్లో ఆయన వివరణ ఇచ్చాడు.

తాజాగా మరో ఇద్దరు భారత క్రీడాకారులు డోప్ టెస్టులో పాజిటివ్‌గా తేలడంతో వార్తల్లో నిలిచారు. వారిలో ఒకరు ఉత్తరాఖండ్‌కు చెందిన ఎడమచేతి వాటం ఫాస్ట్ బౌలర్ రాజన్ కుమార్. 29 ఏళ్ల ఈ పేసర్ నుంచి సేకరించిన నమూనాల్లో ‘డ్రోస్టానోలోన్’, ‘మెటెనోలోన్’ వంటి అనాబాలిక్ స్టెరాయిడ్స్‌తో పాటు ‘క్లోమిఫీన్’ అనే నిషేధిత పదార్థం ఉన్నట్లు నాడా వెల్లడించింది.

సాధారణంగా క్లోమిఫీన్‌ను మహిళల్లో సంతానలేమి చికిత్సకు ఉపయోగిస్తారు. అయితే పురుషులలో ఇది టెస్టోస్టెరాన్ స్థాయిని పెంచి శారీరక సామర్థ్యాన్ని మెరుగుపరుస్తుందని నిపుణులు చెబుతున్నారు. ఈ కారణంగానే ఇది క్రీడల్లో నిషేధిత పదార్థంగా గుర్తించబడింది. ఈ వ్యవహారంతో రాజన్ కుమార్‌పై తాత్కాలిక సస్పెన్షన్ విధించారు.

ఇంతకుముందు కూడా ఇలాంటి ఘటనలు చోటుచేసుకున్నాయి. మధ్యప్రదేశ్‌కు చెందిన ఆల్‌రౌండర్ అన్షులా రావు కూడా గతంలో డోప్ టెస్టులో చిక్కుకున్నాడు. ఈ తాజా ఘటన మరోసారి భారత క్రీడారంగంలో డోపింగ్ సమస్య ఎంత తీవ్రమైందో చూపిస్తోంది.

రాజన్ కుమార్ నమూనాల్లో డ్రోస్టానోలోన్, మెటెనోలోన్ వంటి అనాబాలిక్ స్టెరాయిడ్స్‌తో పాటు క్లోమిఫీన్ గుర్తించబడ్డాయి.

మరిన్నివార్తలుచదవండి: జోష్ హేజిల్‌వుడ్ త్వరలో BBL రిటర్న్, ఐపీఎల్ 2026కు ముందు RCBకు ప్లస్ పాయింట్