IPL 2026 మినీ ఆక్షన్: వెయ్యి మంది పైగా రిజిస్ట్రేషన్ – ₹2 కోట్ల బ్రాకెట్‌లో కేవలం ఇద్దరు భారతీయులు

ఐపీఎల్ 2026 మినీ ఆక్షన్ దగ్గరకు వచ్చేసింది, ప్రపంచంలోనే అత్యంత లాభదాయకమైన టీ20 లీగ్‌లో స్పాట్ కోసం వెయ్యి మంది పైగా క్రికెటర్లు రిజిస్టర్ చేసుకున్నారు. డిసెంబర్ 16న అబుదాబీలో ఒకే రోజు జరిగే ఈ ఆక్షన్‌లో ఫ్రాంచైజీలు తమ జట్లను బలోపేతం చేసుకోవాలని కసరత్తు చేస్తున్నాయి. ఈసారి అంతర్జాతీయంగా ఎవరు హాట్ ప్రాపర్టీ? ఆస్ట్రేలియా ఆల్‌రౌండర్ క్యామరాన్ గ్రీన్! 2025లో ఇంజూరీ వల్ల మిస్ అయిన, మళ్లీ ఆక్షన్ పూల్‌లోకి వచ్చాడు.

క్రిక్‌బజ్ రిపోర్ట్ ప్రకారం, రూ.2 కోట్ల బేస్ ప్రైస్‌తో రిజిస్టర్ చేసుకున్న ఇండియన్ ప్లేయర్లు కేవలం ఇద్దరే – మాజీ కేకేఆర్ బ్యాటర్ వెంకటేష్ అయ్యర్, లెగ్ స్పిన్నర్ రవి బిష్ణోయ్. వెంకటేష్‌కు గత సీజన్‌లో 23.75 కోట్లకు కొనుగోలు చేశారు కానీ, 2025లో నిరాశపరిచాడు. ఫలితంగా వదిలేసారు. బిష్ణోయ్ కూడా 11 కోట్ల రిటెన్ విలువకు సమానంగా ఆడలేదు, ఎల్‌ఎస్‌జీ మళ్లీ అతన్ని వదులుకుంది.

టాప్ బ్రాకెట్‌లో 43 విదేశీ ఆటగాళ్లు – తీవ్రమైన పోటీ

ఆక్షన్ రిపోర్ట్ ప్రకారం, రూ.2 కోట్ల బేస్ ప్రైస్‌తో 43 మంది ఓవర్సీస్ ప్లేయర్లు రిజిస్టర్ చేసుకున్నారు. ఇందులో స్టీవ్ స్మిత్, జామీ స్మిత్, మాథ్యూ షార్ట్, జానీ బెయిర్‌స్టో, రచిన్ రవీంద్ర, వానిందు హసరంగా, మథీషా పతిరాన్ వంటి టాప్ నేమ్స్ ఉన్నాయి. ఓవర్సీస్ స్లాట్లు 31 మాత్రమే, పోటీ మరింత ఊపందుకుంటుంది. ప్రత్యేకంగా, బంగ్లాదేశ్ వెటరన్ షకీబ్ అల్ హసన్ – 2025 మెగా ఆక్షన్‌లో అమ్ముడు పోలేదు – ఈసారి రూ.1 కోట్ల బేస్ ప్రైస్‌తో మళ్లీ ఐపీఎల్‌కు కమ్‌బ్యాక్ చేయాలని ప్లాన్ చేస్తున్నాడు.

ఫ్రాంచైజీలు వ్యూహాలు రూపొందిస్తున్న నేపథ్యంలో, మొత్తం 77 స్లాట్లు మాత్రమే అందుబాటులో ఉన్నాయి – వాటిలో 31 ఓవర్సీస్. వెయ్యి మంది పైగా రిజిస్ట్రేషన్లు, తక్కువ ఖాళీలు... జట్లు సూపర్ సెలెక్టివ్‌గా ఉండాలి. ప్రత్యేక రోల్స్, స్కిల్ సెట్లపై దృష్టి పెట్టాలి.

ఫైనల్ ప్లేయర్ లిస్ట్ ఎలా రూపొందుతుంది? 10 ఫ్రాంచైజీలు తమ విష్‌లిస్ట్‌లు ఐపీఎల్ మేనేజ్‌మెంట్‌కు సబ్మిట్ చేస్తే, 1355ల నుంచి షార్ట్‌లిస్ట్ చేస్తారు. ఆ తర్వాత డిసెంబర్ 16 ఆక్షన్‌లో ఫుల్ ఫైర్‌వర్క్స్! ప్రీమియం ఆల్‌రౌండర్లు, స్పెషలిస్ట్ బౌలర్ల కోసం బిడ్డింగ్ వార్స్ ఖాయం. గ్యాప్‌లు ఫిల్ చేసుకుని, బ్యాలెన్స్‌డ్ స్క్వాడ్‌లు బిల్డ్ చేసుకోవాలనే లక్ష్యంతో జట్లు ముందుకు సాగతాయి. ఈ ఆక్షన్‌తో 2026 సీజన్ మరింత ఎక్సైటింగ్‌గా మారనుంది!

1. రవి బిష్ణోయ్
2. వెంకటేష్ అయ్యర్
3. ముజీబ్ ఉర్ రహ్మాన్
4. నవీన్ ఉల్ హక్
5. షాన్ అబ్బోట్
6. అస్టన్ అగర్
7. కూపర్ కానోలీ
8. జేక్ ఫ్రేసర్-మెక్‌గర్క్
9. క్యామరాన్ గ్రీన్
10. జోష్ ఇంగ్లిస్
11. స్టీవ్ స్మిత్
12. ముస్తఫిజుర్ రహ్మాన్
13. గస్ అట్‌కిన్‌సన్
14. టామ్ బాంటన్
15. టామ్ కరన్
16. లియామ్ డాసన్
17. బెన్ డకెట్
18. డాన్ లారెన్స్
19. లియామ్ లివింగ్‌స్టోన్
20. టైమల్ మిల్స్
21. జేమీ స్మిత్
22. ఫిన్ అలెన్
23. మైఖేల్ బ్రేస్‌వెల్
24. డెవన్ కాన్వే
25. జేకబ్ డఫీ
26. మాట్ హెన్రీ
27. కైల్ జేమిసన్
28. ఆడం మిల్నే
29. డారిల్ మిచెల్
30. విల్ ఓ'రూర్క్
31. రచిన్ రవీంద్ర
32. జెరాల్డ్ కూట్జీ
33. డేవిడ్ మిల్లర్
34. లుంగి ఎంగిడి
35. అన్రిచ్ నోకియే
36. రిలీ రూసో
37. టాబ్రైజ్ షంసీ
38. డేవిడ్ వైజ్
39. వానిందు హసరంగా
40. మథీషా పతిరాన
41. మహీష్ తీక్షణ
42. జేసన్ హోల్డర్
43. షై హోప్
44. అకీల్ హొసేన్
45. అల్జారి జోసఫ్