కే.సి. కారియప్ప సంచలన నిర్ణయం: భారత క్రికెట్‌కు గుడ్‌బై

భారత లెగ్‌ స్పిన్నర్ కే.సి. కరియప్ప అధికారికంగా భారత క్రికెట్‌కు రిటైర్మెంట్ ప్రకటించారు. వీధుల్లో మొదలైన తన ప్రయాణం ఐపీఎల్ వెలుగుల్లోకి చేరిన ఘనతతో ముగియడం ఆయన జీవితంలో భావోద్వేగ క్షణంగా నిలిచింది.

31 ఏళ్ల కరియప్ప తన ప్రకటనలో తనకు అండగా నిలిచిన క్రికెట్ సంఘాలు, ఫ్రాంచైజీలు, స్నేహితులు మరియు అభిమానులకు హృదయపూర్వక కృతజ్ఞతలు తెలిపారు. తన కెరీర్ ఆనందం, బాధ, ఒత్తిడి, గర్వం అన్నీ కలగలిసిన ప్రయాణమని పేర్కొన్నారు. క్రికెట్ తన కలలకన్నా ఎక్కువగా తనకు ఇచ్చిందని భావోద్వేగంగా చెప్పారు.

భావోద్వేగ వీడ్కోలు పలికిన కరియప్ప

క్రికెట్ తన జీవితాన్ని ఎలా మలిచిందో కరియప్ప తన నోట్లో వివరించారు. ఒత్తిడి, త్యాగం, కష్టాలు ఉన్నప్పటికీ క్రికెట్ ఇచ్చిన ఆనందం అమూల్యమని చెప్పారు. తాను భారత క్రికెట్‌కు వీడ్కోలు పలుకుతున్నప్పటికీ, ఆటపై తన ప్రేమ ఎప్పటికీ తగ్గదని స్పష్టం చేశారు.

తనను క్రికెటర్‌గా తీర్చిదిద్దిన కర్ణాటక స్టేట్ క్రికెట్ అసోసియేషన్‌కు ప్రత్యేక ధన్యవాదాలు తెలిపారు. కీలక సమయాల్లో తనపై నమ్మకం ఉంచినందుకు ఆ సంస్థకు కృతజ్ఞతలు చెప్పారు.

అలాగే మిజోరాం క్రికెట్ అసోసియేషన్ తనను కుటుంబ సభ్యుడిలా ఆదరించిందని, నమ్మకంతో ముందుకు నడిపించిందని హృదయపూర్వకంగా గుర్తు చేసుకున్నారు.

ఐపీఎల్ ప్రయాణం గుర్తు చేసుకున్న కరియప్ప

తన ఏడు సంవత్సరాల ఐపీఎల్ ప్రయాణం ఎప్పటికీ తన హృదయంలో నిలిచిపోతుందని కరియప్ప అన్నారు. కోల్‌కతా నైట్‌రైడర్స్, కింగ్స్ ఎలెవన్ పంజాబ్, రాజస్థాన్ రాయల్స్ జట్లకు ప్రాతినిధ్యం వహించినందుకు గర్వంగా చెప్పారు. తనపై నమ్మకం ఉంచిన కోచ్‌లు, సెలెక్టర్లు, సహచర ఆటగాళ్లు, సపోర్ట్ స్టాఫ్ మరియు అభిమానులకు కృతజ్ఞతలు తెలిపారు.

2015లో సీనియర్ స్థాయిలో అనుభవం లేకపోయినా కోల్‌కతా నైట్‌రైడర్స్ జట్టు కరియప్పను రూ.2.4 కోట్లకు కొనుగోలు చేసింది. ఆర్సీబీతో జరిగిన మ్యాచ్‌లో ఐపీఎల్ అరంగేట్రం చేసి, ఏబీ డివిలియర్స్ వికెట్ పడగొట్టడం ఆయన కెరీర్‌లో కీలక ఘట్టంగా నిలిచింది.

తర్వాత కింగ్స్ ఎలెవన్ పంజాబ్‌కు ఆడిన కరియప్ప, 2019లో మళ్లీ కేకేఆర్‌కు చేరి, అనంతరం రాజస్థాన్ రాయల్స్ జట్టులోకి వెళ్లారు.

ఐపీఎల్‌లో 11 మ్యాచ్‌లు ఆడిన కరియప్ప మొత్తం 24 వికెట్లు తీశారు. ఫస్ట్ క్లాస్ క్రికెట్‌లో 75 వికెట్లు, లిస్ట్ ఏలో 24 వికెట్లు, టీ20 ఫార్మాట్‌లో 58 డిస్మిసల్స్ సాధించారు.

మరిన్నివార్తలుచదవండి: శిఖర్ ధావన్ నిశ్చితార్థం: సోఫీ షైన్‌తో కొత్త జీవితానికి శ్రీకారం