IPL 2026: పంజాబ్ కింగ్స్ పూర్తి జట్టు విడుదల.. ఈసారి కప్ పంజాబ్‌కేనా?

ఐపీఎల్‌ 2026 సీజన్ మినీ వేలంలో పంజాబ్ కింగ్స్ చాలా వ్యూహాత్మకంగా అడుగులు వేసింది. అబుదాబి వేదికగా జరిగిన ఈ మినీ వేలంలో కేవలం రూ.11.50 కోట్ల పర్స్‌తో బరిలోకి దిగిన పంజాబ్ కింగ్స్, తక్కువ బడ్జెట్‌ ఉన్నప్పటికీ జట్టుకు అవసరమైన కీలక ఆటగాళ్లను సమర్థంగా ఎంపిక చేసింది. పరిమిత మొత్తంతోనే జట్టులో ఉన్న బలహీనతలను అధిగమించగలిగింది.

జట్టుకు భారంగా మారిన గ్లేన్ మ్యాక్స్‌వెల్ స్థానాన్ని యువ ఆల్‌రౌండర్ కూపర్ కానలీతో భర్తీ చేయగా, బెన్ ద్వార్షుయిస్‌ను దక్కించుకుని బౌలింగ్ బెంచ్‌ను మరింత పటిష్టం చేసింది. అలాగే ప్రవీణ్ దూబే, విశాల్ నిషాద్ వంటి దేశవాళీ ఆటగాళ్లను బ్యాకప్ ప్లేయర్లుగా తీసుకోవడం ద్వారా స్క్వాడ్ డెప్త్‌ను కూడా పెంచుకుంది.

పటిష్టంగా పంజాబ్ కింగ్స్

శ్రేయస్ అయ్యర్ సారథ్యంలో పంజాబ్ కింగ్స్ ఇప్పటికే మంచి సమతూకంతో కూడిన జట్టుగా కనిపిస్తోంది. అర్ష్‌దీప్ సింగ్, యుజ్వేంద్ర చాహల్ లాంటి అనుభవజ్ఞులైన బౌలర్లు, శశాంక్ సింగ్, ప్రభ్‌సిమ్రాన్ సింగ్ వంటి దేశవాళీ హిట్టర్లు జట్టుకు బలమైన వెన్నెముకగా నిలుస్తున్నారు.

×

Shreyas Iyer Batter

Shreyas Iyer, a right-handed batsman for India, made his international cricket debut in 2021 against New Zealand.

మార్కస్ స్టోయినీస్, అజ్మతుల్లా ఒమర్జాయ్, మార్కో జాన్సెన్‌లతో కూడిన ఆల్‌రౌండర్ల విభాగానికి తాజాగా కూపర్ కానలీ చేరడంతో జట్టుకు మరింత బలం చేకూరింది. లెఫ్ట్‌ ఆర్మ్ పేసర్ అర్ష్‌దీప్ సింగ్, సూపర్ ఫాస్ట్ బౌలర్ లాకీ ఫెర్గూసన్, బౌన్స్ స్పెషలిస్ట్ మార్కో జాన్సెన్‌తో పేస్ విభాగంలో మంచి వైవిధ్యం ఉంది. వీరికి బెన్ ద్వార్షుయిస్ కూడా తోడవడంతో బౌలింగ్ యూనిట్ మరింత పటిష్టంగా మారింది.

పేపర్‌పై చూస్తే పంజాబ్ కింగ్స్ సమతూకంగా, బలంగా కనిపిస్తోంది. ఐపీఎల్‌ 2025 సీజన్‌లో తృటిలో చేజారిన టైటిల్‌ను ఈసారి ఎలాగైనా సొంతం చేసుకోవాలనే గట్టి పట్టుదలతో పంజాబ్ కింగ్స్ బరిలోకి దిగుతోంది.

×

Punjab Kings Founded: 2008

Punjab Kings (formerly Kings XI Punjab), a cricket team in the Indian Premier League (IPL), have been part of the competition since 2008.

పంజాబ్ కింగ్స్ వేలంలో కొనుగోలు చేసిన ఆటగాళ్లు

• కూపర్ కానలీ – రూ. 3 కోట్లు

• బెన్ ద్వార్షుయిస్ – రూ. 4.40 కోట్లు

• ప్రవీణ్ దూబే – రూ. 30 లక్షలు

• విశాల్ నిషాద్ – రూ. 30 లక్షలు

పంజాబ్ కింగ్స్ రిటైన్ చేసిన ఆటగాళ్లు

శ్రేయస్ అయ్యర్, నెహాల్ వధేరా, ప్రియాన్ష్ ఆర్య, శశాంక్ సింగ్, పైలా అవినాష్, హర్నూర్ పన్ను, ముషీర్ ఖాన్, ప్రభ్‌సిమ్రాన్ సింగ్, విష్ణు వినోద్, మార్కస్ స్టోయినీస్, మార్కో జాన్సెన్, అజ్మతుల్లా ఒమర్జాయ్, సర్యాన్ష్ షెగ్దే, మిచెల్ ఓవెన్, అర్ష్‌దీప్ సింగ్, వైశాఖ్ విజయ్‌కుమార్, యశ్ ఠాకూర్, గ్జేవియర్ బార్ట్‌లెట్, లాకీ ఫెర్గూసన్, యుజ్వేంద్ర చాహల్, హర్‌ప్రీత్ బ్రార్.

పంజాబ్ కింగ్స్ తుది జట్టు (అంచనా)

ప్రియాన్ష్ ఆర్య, ప్రభ్‌సిమ్రాన్ సింగ్, శ్రేయస్ అయ్యర్ (కెప్టెన్), కూపర్ కానలీ, నెహాల్ వధేరా, శశాంక్ సింగ్, మార్కస్ స్టోయినీస్, అజ్మతుల్లా ఒమర్జాయ్, బెన్ ద్వార్షుయిస్, వైశాఖ్ విజయ్‌కుమార్, అర్ష్‌దీప్ సింగ్.

మరిన్ని వార్తలు చదవండి: Rohit-Virat: ఓవర్సీస్ టీ20 లీగ్స్ ఆడనున్న రోహిత్ శర్మ, విరాట్ కోహ్లీ.. ఐపీఎల్ చైర్మన్ ఏమ్మన్నారంటే..?