సంజూ శాంసన్ దూకుడు: సయ్యద్ ముస్తాక్ అలీ టోర్నీలో వరుస మెరుపులు – సౌతాఫ్రికా సిరీస్‌కు సిద్ధం!

టీమిండియా డాషింగ్ బ్యాటర్ సంజూ శాంసన్ (Sanju Samson) సౌతాఫ్రికా టీ20 సిరీస్‌ కోసం దూకుడుగా సిద్ధమవుతున్నాడు. సయ్యద్ ముస్తాక్ అలీ టీ20 టోర్నమెంట్‌లో వరుసగా పేలవైన ఇన్నింగ్స్‌తో అదరగొడుతున్నాడు.

ఈ టోర్నీలో తొలి మ్యాచ్‌లో 41 బంతుల్లో అజేయంగా 51 పరుగులు చేసిన సంజూ… రెండో మ్యాచ్‌లో కేవలం 15 బంతుల్లోనే 43 పరుగులు సునాయాసంగా బాదాడు. తాజాగా ముంబైతో జరిగిన మ్యాచ్‌లో కూడా అదే ఊపును కొనసాగించాడు. 28 బంతుల్లో 8 ఫోర్లు, 1 సిక్సర్‌తో 46 పరుగులు చేసి మరోసారి తన క్లాస్‌ను చూపించాడు.

×

Sanju Samson Wicketkeeper-Batter

Sanju Samson, a right-handed batsman and wicketkeeper, is a professional cricketer from India.

ఈ ఫామ్‌ను సౌతాఫ్రికా సిరీస్‌లోనూ కొనసాగిస్తే, అది టీమిండియాకు భారీ ప్లస్ అవుతుంది. ప్రస్తుతం భారత బ్యాటింగ్ విభాగం చాలా బలంగా ఉంది. ఒక్కో స్థానం కోసం ఇద్దరు–ముగ్గురు పోటీపడే స్థితి ఏర్పడింది. ఆ నేపథ్యంలో సంజూ స్థానం కూడా పూర్తిగా సేఫ్ అని చెప్పలేం. ముఖ్యంగా జితేశ్ శర్మ రూపంలో అతడికి బలమైన పోటీ ఉంది.

ఇదిలా ఉండగా, నిన్న విడుదల చేసిన సౌతాఫ్రికా టీ20 సిరీస్ కోసం ప్రకటించిన భారత జట్టులో సంజూ వికెట్‌కీపర్-బ్యాటర్‌గా స్థానం దక్కించుకున్నాడు. ఇప్పటికే గాయంతో ఉన్న శుభ్‌మన్ గిల్ సిరీస్ సమయానికి పూర్తిగా ఫిట్ కాకపోతే, సంజూ స్థానానికి ఎలాంటి ప్రమాదం ఉండదు.

సౌతాఫ్రికా టీ20 సిరీస్‌కు భారత జట్టు:

సూర్యకుమార్ యాదవ్ (కెప్టెన్), శుభ్‌మన్ గిల్ (వైస్ కెప్టెన్–ఫిట్‌నెస్‌కు లోబడి), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్ శర్మ (వికెట్ కీపర్), సంజూ శాంసన్ (వికెట్ కీపర్), జస్‌ప్రీత్ బుమ్రా, వరుణ్ చక్రవర్తి, అర్ష్‌దీప్ సింగ్, కుల్దీప్ యాదవ్, హర్షిత్ రాణా, వాషింగ్టన్ సుందర్.

భారత్ vs సౌతాఫ్రికా టీ20 సిరీస్ షెడ్యూల్:

• 1వ టీ20: డిసెంబర్ 9 – కటక్, ఒడిశా

• 2వ టీ20: డిసెంబర్ 11 – ముల్లన్‌పూర్, చండీగఢ్

• 3వ టీ20: డిసెంబర్ 14 – ధర్మశాల, హిమాచల్ ప్రదేశ్

• 4వ టీ20: డిసెంబర్ 17 – లక్నో, ఉత్తరప్రదేశ్

• 5వ టీ20: డిసెంబర్ 19 – అహ్మదాబాద్, గుజరాత్

ముంబైని ఓడించిన ఏకైక కెప్టెన్ — సంజూ శాంసన్

ప్రస్తుత సయ్యద్ ముస్తాక్ అలీ టోర్నమెంట్‌లో ముంబైని ఓడించిన ఏకైక కెప్టెన్ సంజూ శాంసన్ మాత్రమే. కేరళకు సారధ్యం వహిస్తున్న సంజూ… బ్యాటర్‌గా, వికెట్‌కీపర్‌గా, కెప్టెన్‌గా మూడు విభాగాల్లోనూ అద్భుత ప్రదర్శన ఇచ్చి జట్టుకు విజయం అందించాడు.

మొదట బ్యాట్‌తో మెరుపులా ఆడి పరుగులు కురిపించాడు. తర్వాత వికెట్‌కీపింగ్‌లోనూ తన మేటి నైపుణ్యాన్ని చూపించి కీలక దశలో శివమ్ దూబేను స్టంపౌట్ చేశాడు. ఆ వికెట్ మ్యాచ్‌కి అసలు టర్నింగ్ పాయింట్‌గా మారింది. చివరికి కేరళను విజయానికి నడిపించింది.

స్కోర్ వివరాలు:

• కేరళ: 178/5

• ముంబై: 163 ఆలౌట్

మరిన్ని వార్తలు చదవండి: ది హండ్రెడ్‌లో కొత్త ప్రభంజనం.. ‘MI లండన్’గా రంగంలోకి ఎంఐ ఫ్యామిలీ!