England vs Australia: ‘నగ్నంగా నడుస్తానన్న సవాల్’.. హేడెన్ పరువు కాపాడిన జో రూట్ సెంచరీ!

యాషెస్ సిరీస్ 2025–26లో భాగంగా బ్రిస్బేన్‌లో ఆస్ట్రేలియాతో జరుగుతున్న రెండో టెస్టులో ఇంగ్లాండ్ సీనియర్ బ్యాటర్ జో రూట్ అద్భుత శతకం నమోదు చేసి మెరిశాడు. దీంతో ఆస్ట్రేలియా గడ్డపై తన 12 ఏళ్ల సుదీర్ఘ నిరీక్షణకు రూట్ ముగింపు పలికాడు.

ఆసీస్‌లో అన్ని ఫార్మాట్‌ల్లో కలిపి రూట్ కొట్టిన ఇదే తొలి శతకం. ప్రస్తుతం అతడు 135 పరుగులతో అజేయంగా క్రీజులో నిలిచి ఇన్నింగ్స్‌ను ముందుకు నడిపిస్తున్నాడు. ఈ సెంచరీతో రూట్, ఆస్ట్రేలియా దిగ్గజం మాథ్యూ హేడెన్‌ను ‘న్యూడ్ రన్’‌ నుంచి కూడా కాపాడినట్టయ్యాడు.

హేడెన్ విసిరిన సవాల్

ఈ ప్రతిష్టాత్మక సిరీస్ ప్రారంభానికి ముందే రూట్‌పై ఒత్తిడి పెంచే విధంగా మాథ్యూ హేడెన్ ఒక ఆసక్తికర సవాల్ విసిరాడు. ఈ టూర్‌లో రూట్ సెంచరీ చేయకపోతే మెల్‌బోర్న్ క్రికెట్ గ్రౌండ్‌లో నగ్నంగా నడుస్తానని అతడు ప్రకటించాడు. దీనిపై స్పందించిన హేడెన్ కుమార్తె గ్రేస్ హేడెన్… “దయచేసి రూట్ సెంచరీ చేసి మా నాన్నను కాపాడు” అంటూ సరదాగా ట్వీట్ చేసింది. ఇప్పుడు రూట్ నిజంగానే సెంచరీ చేయడంతో హేడెన్‌కు ఆ విచిత్రమైన పరిస్థితి తప్పిపోయింది.

×

Joseph Edward Root Batter

Joseph "Joe" Edward Root is an English cricketer born December 30, 1990, who is considered one of the greatest batsmen of all time.

గత 12 సంవత్సరాలుగా ఆస్ట్రేలియా నేలపై శతకం కోసం రూట్ తీవ్రంగా శ్రమిస్తున్నాడు. ఇంతకుముందు ఆసీస్‌లో అతడి అత్యధిక స్కోర్ 89 మాత్రమే. అయితే ఈసారి ఆ నిరీక్షణను తుడిచిపెట్టేసి ఎట్టకేలకు మూడు అంకెల మైలురాయిని అందుకున్నాడు.

రూట్ శతకం చేసిన వెంటనే హేడెన్ కామెంటరీ బాక్స్‌ నుంచి బయటకు వచ్చి సెలబ్రేట్ చేయడం చూసిన అభిమానులు కూడా ఆనందించారు. అనంతరం రూట్‌ను స్వయంగా అభినందిస్తూ హేడెన్ మాట్లాడాడు.

“ఆస్ట్రేలియా గడ్డపై ఎట్టకేలకు శతకం చేసిన జో రూట్‌కు నా హృదయపూర్వక అభినందనలు. మిత్రమా… కొంచెం ఆలస్యమే అయినా, ఈ సెంచరీ కోసం నేను చాలాకాలంగా ఎదురుచూస్తున్నాను. పదేళ్లకు పైగా శ్రమించి నువ్వు సాధించిన ఈ విజయానికి నిజంగా చాలా సంతోషంగా ఉంది” అని హేడెన్ ఇంగ్లండ్ క్రికెట్‌కు ఇచ్చిన ఇంటర్వ్యూలో పేర్కొన్నాడు.

మరిన్ని వార్తలు చదవండి: సంజూ శాంసన్ దూకుడు: సయ్యద్ ముస్తాక్ అలీ టోర్నీలో వరుస మెరుపులు – సౌతాఫ్రికా సిరీస్‌కు సిద్ధం!