విజయ్ హజారే ట్రోఫీ 2025: అంగ్క్రిష్ రఘువంశీకి తీవ్ర గాయం.. ముంబై, కేకేఆర్‌కు భారీ షాక్

విజయ్‌ హజారే ట్రోఫీ–2025లో ముంబై జట్టుకు పెద్ద ఎదురుదెబ్బ తగిలింది. ముంబై యువ బ్యాటర్‌, కేకేఆర్ స్టార్ అంగ్క్రిష్ రఘువంశీ తీవ్రమైన గాయానికి గురయ్యాడు. జైపూర్ వేదికగా ఉత్తరాఖండ్‌తో జరుగుతున్న మ్యాచ్‌లో ఫీల్డింగ్ సమయంలో ఈ దుర్ఘటన చోటు చేసుకుంది.

ఒక కష్టమైన క్యాచ్‌ను పట్టుకునే ప్రయత్నంలో రఘువంశీ బ్యాలెన్స్ కోల్పోయి బలంగా నేలపై పడిపోయాడు. దీంతో అతడి తలకు, భుజానికి గాయాలయ్యాయి. ఒక్కసారిగా తీవ్రమైన నొప్పితో అతడు మైదానంలోనే విలవిలలాడాడు. వెంటనే ఫిజియోలు పరుగెత్తుకొచ్చి ప్రాథమిక చికిత్స అందించి, స్ట్రెచర్‌పై అతడిని మైదానం వెలుపలికి తరలించారు.

×

Angkrish Raghuvanshi Batsman

Angkrish Raghuvanshi is a right-handed Indian domestic cricketer who plays for Mumbai and the Kolkata Knight Riders (KKR) in the Indian Premier League (IPL).

తరువాత రఘువంశీని జైపూర్‌లోని ఓ ప్రైవేట్ ఆసుపత్రికి తీసుకెళ్లి చికిత్స అందిస్తున్నారు. గాయం తీవ్రతను అంచనా వేయడానికి వైద్యులు స్కాన్లు నిర్వహిస్తున్నట్లు సమాచారం. అయితే ఇప్పటివరకు ముంబై క్రికెట్ అసోసియేషన్ నుంచి అధికారిక ప్రకటన వెలువడలేదు. అయినప్పటికీ పలు కథనాల ప్రకారం రఘువంశీ గాయం తీవ్రంగానే ఉందని, కొన్ని నెలల పాటు అతడు ఆటకు దూరమయ్యే అవకాశాలు ఉన్నాయని క్రికెట్ వర్గాలు భావిస్తున్నాయి.

🚨 Injury Updates 🚨

- Angkrish Raghuvanshi got injured while taking a catch in the match between Mumbai and Uttarakhand today. There are reports of injuries on the forehead and shoulder. He was immediately taken to the hospital on a stretcher.

pic.twitter.com/nDtvAMC3EC

— Notfilter99 (@notfilter99) December 26, 2025

అది నిజమైతే ముంబై జట్టుకే కాకుండా కోల్‌కతా నైట్ రైడర్స్‌కు కూడా ఇది భారీ నష్టమే. రఘువంశీ ప్రస్తుతం కేకేఆర్ జట్టులో కీలక ఆటగాడిగా ఎదిగాడు. ఐపీఎల్‌ 2025లో కేకేఆర్ 8వ స్థానంలో నిలిచినప్పటికీ, అంగ్క్రిష్ మాత్రం తన ఆటతో ఆకట్టుకున్నాడు. 11 ఇన్నింగ్స్‌ల్లో 300 పరుగులు చేసి జట్టు టాప్‌ పెర్ఫార్మర్లలో ఒకడిగా నిలిచాడు. ఇప్పుడు అతడి గాయం కేకేఆర్ మేనేజ్‌మెంట్‌ను ఆందోళనకు గురి చేస్తోంది.

ఇక ఈ మ్యాచ్ విషయానికి వస్తే… తొలుత బ్యాటింగ్ చేసిన ముంబై నిర్ణీత 50 ఓవర్లలో 7 వికెట్ల నష్టానికి 331 పరుగుల భారీ స్కోర్ నమోదు చేసింది. రోహిత్ శర్మ గోల్డెన్ డక్‌గా వెనుదిరిగినప్పటికీ, హార్దిక్ తమోర్ 93 పరుగులతో అజేయంగా నిలిచాడు. అతడికి ముషీర్ ఖాన్ (55), సర్ఫరాజ్ ఖాన్ (55) మంచి మద్దతు ఇచ్చారు.

లక్ష్య ఛేదనలో ఉత్తరాఖండ్ తడబడింది. 42 ఓవర్లు ముగిసే సరికి 7 వికెట్ల నష్టానికి 229 పరుగులే చేయగలిగింది. ఈ మ్యాచ్‌లో అంగ్క్రిష్ రఘువంశీ బ్యాటింగ్‌లో పెద్దగా రాణించలేక, కేవలం 11 పరుగులకే ఔటయ్యాడు. అయితే అతడి గాయం వార్తే మ్యాచ్ కంటే ఎక్కువ చర్చకు దారి తీసింది.

మరిన్ని వార్తలు చదవండి: Rohit Sharma Golden Duck: సెంచరీ తర్వాత షాకిచ్చిన గోల్డెన్ డక్ హిట్‌మ్యాన్ విజయ్ హజారే ట్రోఫీలో