ఆషెస్ 2025–26: రెండో టెస్టుకు ముందు ఆస్ట్రేలియాకు పెద్ద షాక్ – ఉస్మాన్ ఖవాజా ఔట్, జాష్ ఇంగ్లిస్‌కు అవకాశం

ఆషెస్ సిరీస్‌లో ఇంగ్లండ్‌తో రెండో టెస్టుకు ముందు ఆస్ట్రేలియా జట్టుకు మరో షాక్. ఓపెనర్ ఉస్మాన్ ఖవాజా వెన్నునొప్పి కారణంగా ఈ మ్యాచ్‌కు దూరమయ్యాడు. డిసెంబర్ 4 నుంచి గబ్బాలో జరగబోయే ఈ పింక్ బాల్ (డే-నైట్) టెస్టుకు ఖవాజా అందుబాటులో లేకపోవడంతో జట్టు ఆలస్యంగా అయినా ఒక మార్పు చేయాల్సి వచ్చింది.

తాజా వార్తల ప్రకారం... ఖవాజా స్థానంలో వికెట్ కీపర్-బ్యాటర్ జాష్ ఇంగ్లిస్‌ను ఆడించే అవకాశం ఉంది. సొంత మైదానంలో ఇంగ్లిస్‌కు ఇది తొలి టెస్టు అవకాశం కావడం విశేషం. మిడిల్ ఆర్డర్‌లో ఇంగ్లిస్ బ్యాటింగ్ చేయగా, ట్రావిస్ హెడ్ ఓపెనింగ్‌లోనే కొనసాగుతాడని తెలుస్తోంది. బుధవారం కెప్టెన్ స్టీవ్ స్మిత్ ప్రెస్ మీట్‌లో జట్టు మార్పులపై అధికారిక ప్రకటన వస్తుంది.

×

Usman Khawaja Batsman

Usman Khawaja is a 39-year-old Australian cricketer (born December 18, 1986) who is a left-handed batsman and captain of the Brisbane Heat and Queensland Bulls.

మంగళవారం 30 నిమిషాలు నెట్స్‌లో ప్రాక్టీస్ చేశాడు ఖవాజా... కానీ వెన్నునొప్పి మళ్లీ వచ్చేసరికి జట్టు నిర్వాహకులు వెంటనే అతన్ని మ్యాచ్ నుంచి తప్పించేశారు. ఇప్పటికే ప్యాట్ కమిన్స్, జాష్ హాజిల్‌వుడ్ గాయాలతో బయట పడ్డ నేపథ్యంలో ఖవాజా కూడా జాబితాలో చేరడంతో ఆసీస్ బౌలింగ్-బ్యాటింగ్ రెండూ గట్టి పరీక్షే ఎదుర్కొనున్నాయి. అంతే కాదు, స్లిప్ ఫీల్డింగ్‌లో ఖవాజా కీలక పాత్ర పోవడం కూడా జట్టుకు మైనస్.

ఖవాజా స్థానంలో బ్యూ వెబ్‌స్టర్‌ను కూడా పరిశీలించారట... కానీ స్లిప్ కార్డన్‌లో ప్రత్యేకంగా సన్నాహకం చేసిన ఇంగ్లిస్‌కే పైచేయి దక్కినట్టు కనిపిస్తోంది. బ్యాటింగ్‌తో పాటు క్లోజ్-ఇన్ ఫీల్డింగ్ బాధ్యతలు కూడా ఇంగ్లిస్‌కే అప్పగిస్తారని సమాచారం.

సీనియర్లు ఒకరొకరుగా గాయాల పాలవుతుండటంతో ఆషెస్‌లో ముందుకు సాగాలంటే ఆస్ట్రేలియాకు ఇది పెద్ద సవాలే. అయినా ఇంగ్లిస్ రూపంలో కొత్త జోష్ వచ్చింది. రెడ్ బాల్ క్రికెట్‌లో తన సత్తా చాటే అవకాశం అతనికి దొరికింది. 

ఆషెస్ రెండో టెస్టుకు ఆస్ట్రేలియా జట్టు