ఆస్ట్రేలియా సెంట్రల్ కాంట్రాక్ట్స్ 2026 లో మ్యాక్స్‌వెల్ ఔట్

క్రికెట్ ఆస్ట్రేలియా బుధవారం 2026 నుంచి 2027 సీజన్‌కు సంబంధించిన సెంట్రల్ కాంట్రాక్ట్స్‌ను ప్రకటించింది. ఈ జాబితాలో మొత్తం 21 మంది ఆటగాళ్లకు చోటు దక్కింది. ప్రస్తుతం విరామంలో ఉన్న పాట్ కమిన్స్ నాయకత్వంలోని ఆస్ట్రేలియా జట్టు త్వరలోనే అంతర్జాతీయ క్రికెట్‌కు తిరిగి వచ్చి వచ్చే 12 నెలల్లో బంగ్లాదేశ్, న్యూజిలాండ్, భారత్‌లతో టెస్ట్ సిరీస్‌లు ఆడనుంది.

ఈ నేపథ్యంలో టెస్ట్ క్రికెట్‌కు ప్రాధాన్యం ఇస్తూ మరియు అన్ని ఫార్మాట్లలో ఆడగల ఆటగాళ్లను ఎంపిక చేసింది. ఫామ్ లో లేని మరియు గాయాలతో బాధపడుతున్న ఆటగాళ్లపై కఠిన నిర్ణయం తీసుకుంటూ గ్లెన్ మ్యాక్స్‌వెల్, సామ్ కాన్‌స్టాస్, జై రిచర్డ్సన్‌లను జాబితా నుంచి తొలగించింది.

ఆస్ట్రేలియా సెంట్రల్ కాంట్రాక్ట్ ఆటగాళ్ల జాబితా

టెస్ట్ కెప్టెన్ పాట్ కమిన్స్‌తో పాటు మిచెల్ స్టార్క్, స్టీవ్ స్మిత్, మార్నస్ లబుషేన్, మిచెల్ మార్ష్, కామెరాన్ గ్రీన్, నాథన్ లియాన్ వంటి కీలక ఆటగాళ్లు తమ స్థానాలను కొనసాగించుకున్నారు.

ఆస్ట్రేలియా ప్రధాన సెలెక్టర్ జార్జ్ బేలీ మాట్లాడుతూ, వచ్చే ఏడాది జట్టు ముందుకు కఠినమైన టెస్ట్ షెడ్యూల్ ఉందని, అందుకే టెస్ట్ మరియు మల్టీ ఫార్మాట్ ఆటగాళ్లకు ప్రాధాన్యం ఇచ్చామని తెలిపారు.

గ్లెన్ మ్యాక్స్‌వెల్‌కు చోటు లేకపోవడం

గత ఒక సంవత్సరం కాలంగా ఫామ్ లో లేని గ్లెన్ మ్యాక్స్‌వెల్ ఈసారి సెంట్రల్ కాంట్రాక్ట్ నుంచి తప్పించబడ్డాడు. అతను గాయాలతో కూడా తరచూ ఇబ్బందులు పడుతున్నాడు. ఆస్ట్రేలియా మాజీ కెప్టెన్ రికీ పాంటింగ్ ముందే చెప్పినట్లుగా అతను తన కెరీర్ చివరి దశలో ఉన్నాడని భావిస్తున్నారు.

సామ్ కాన్‌స్టాస్ కూడా జాబితాలో లేరు

యువ బ్యాటర్ సామ్ కాన్‌స్టాస్ కూడా ఈసారి జాబితాలో చోటు సంపాదించలేకపోయాడు. 2024 డిసెంబర్‌లో భారత్‌తో జరిగిన బోర్డర్ గవాస్కర్ ట్రోఫీలో అంతర్జాతీయ క్రికెట్‌లో అడుగుపెట్టిన అతను ఆరంభంలో మంచి హైప్ సృష్టించాడు. కానీ తర్వాత అతని ప్రదర్శన పడిపోయింది. అవకాశాలు వచ్చినప్పటికీ అతను ఆశించిన స్థాయిలో రాణించలేకపోయాడు. దేశీయ క్రికెట్ మరియు బిగ్ బాష్ లీగ్‌లో కూడా అతని ఫామ్ మెరుగుపడలేదు.

జై రిచర్డ్సన్ కూడా గాయాల కారణంగా ఈసారి కాంట్రాక్ట్ జాబితాలో చోటు పొందలేదు.

మరిన్నివార్తలుచదవండి: శాంటో శతకం ముస్తాఫిజుర్ ఐదు వికెట్లు బంగ్లాదేశ్ ఘన విజయం