IPL 2026 Auction: రిషబ్ పంత్ రికార్డు ప్రమాదంలోనే.. ఈ ఆటగాడు హిస్టరీ సృష్టిస్తాడా?

ఐపీఎల్ 2026 మినీ వేలానికి రంగం పూర్తిగా సిద్ధమైంది. డిసెంబర్ 16న అబుదాబి వేదికగా జరగనున్న ఈ వేలంలో ఓ విదేశీ ఆటగాడు సరికొత్త చరిత్ర సృష్టించే అవకాశం ఉందని క్రికెట్ వర్గాలు అంచనా వేస్తున్నాయి. గత మెగా వేలంలో రిషబ్ పంత్ 27 కోట్లు, శ్రేయస్ అయ్యర్ 26.75 కోట్లతో నెలకొల్పిన అత్యధిక ధర రికార్డులు ఈసారి బద్దలయ్యే సూచనలు కనిపిస్తున్నాయి. ఆ రికార్డులను దాటే అవకాశం ఉన్న ఆటగాడు మరెవరో కాదు ఆస్ట్రేలియా స్టార్ ఆల్ రౌండర్ కామరూన్ గ్రీన్.

కామరూన్ గ్రీన్‌పై అంతటి డిమాండ్ ఉండటానికి ప్రధాన కారణాలు ఉన్నాయి. అతడు అరుదైన ఫాస్ట్ బౌలింగ్ ఆల్ రౌండర్. టాప్ ఆర్డర్‌లో బ్యాటింగ్ చేయగల సామర్థ్యం, కీలక సమయంలో వికెట్లు తీసే నైపుణ్యం అతడిని ప్రత్యేకంగా నిలబెడతాయి. ఇలాంటి ఆల్ రౌండర్లు ఐపీఎల్ వేలంలో చాలా అరుదుగా దొరుకుతారు. ఇదే అతని విలువను మరింత పెంచుతోంది.

×

Cameron Green Batting Allrounder

Cameron Green is a young prodigy who rose through the ranks through grade cricket and burst onto the domestic scene with a 5-for on debut at the age of just 17.

గతంలో ముంబై ఇండియన్స్ అతడిని 17.50 కోట్లకు కొనుగోలు చేసింది. అయితే ఇప్పుడు గ్రీన్ మరింత అనుభవం సంపాదించి, పరిణతి చెందిన ఆటగాడిగా వేలంలోకి వస్తున్నాడు. బెన్ స్టోక్స్ లాంటి ఇతర స్టార్ ఆల్ రౌండర్లు ఈసారి అందుబాటులో లేకపోవడంతో, ఫ్రాంచైజీలన్నీ గ్రీన్ వైపే దృష్టి పెట్టే అవకాశం ఉంది. దీంతో అతని కోసం తీవ్ర పోటీ నెలకొనడం ఖాయంగా కనిపిస్తోంది.

ఈ వేలంలో గ్రీన్ కోసం ప్రధానంగా మూడు పెద్ద శక్తులు పోటీపడే అవకాశాలు ఉన్నాయని కథనాలు చెబుతున్నాయి. పంజాబ్ కింగ్స్ యజమాని ప్రీతి జింటా ఒక కీలక ఆల్ రౌండర్ కోసం ప్రయత్నించవచ్చు. అయితే వారి వద్ద ఉన్న మొత్తం పరిమితంగా ఉండటం వల్ల భారీ బిడ్ వేయడం కాస్త కష్టం కావచ్చు.

సన్‌రైజర్స్ హైదరాబాద్ యజమాని కావ్య మారన్ మాత్రం భారీ ధరలకు ఆటగాళ్లను కొనుగోలు చేయడంలో ఎప్పుడూ వెనుకాడరు. గతంలో ప్యాట్ కమిన్స్ కోసం 20.50 కోట్లు వెచ్చించిన చరిత్ర ఆమెకు ఉంది. అందుకే గ్రీన్ విషయంలో కూడా ఎస్ఆర్‌హెచ్ దూకుడుగా వ్యవహరించే అవకాశం ఉందని అంచనా.

×

Sunrisers Hyderabad Founded: 2012

Sunrisers Hyderabad (SRH) is an Indian Premier League (IPL) team owned by Kalanithi Maran and Sun TV Network.

అయితే ఈ రేసులో ముందున్న జట్టుగా కోల్‌కతా నైట్ రైడర్స్ పేరు ఎక్కువగా వినిపిస్తోంది. వారి వద్ద దాదాపు 64 కోట్ల పర్స్ ఉండటంతో, గ్రీన్ కోసం రికార్డు స్థాయి బిడ్ వేయగల సామర్థ్యం కేకేఆర్‌కు ఉంది. అవసరమైతే ఎలాంటి రాజీ లేకుండా అతడిని సొంతం చేసుకునే ప్రయత్నం చేసే అవకాశం కనిపిస్తోంది.

ముంబై ఇండియన్స్ విషయానికి వస్తే, ప్రస్తుతం వారి వద్ద కేవలం 2.75 కోట్ల మాత్రమే ఉన్నాయి. అందువల్ల ఈసారి గ్రీన్ కోసం బిడ్డింగ్‌లో పాల్గొనే పరిస్థితి వారికి లేదు. అయితే ఒకవేళ పర్స్‌లో సరిపడా మొత్తం ఉండి ఉంటే, అంబానీ కుటుంబం తప్పకుండా గ్రీన్ కోసం గట్టి పోటీ ఇచ్చేదని క్రికెట్ విశ్లేషకులు అంటున్నారు.

×

Mumbai Indians Founded: 2008

Mumbai Indians, owned by Indiawin Sports, are one of the most successful franchises in the Indian Premier League (IPL).

ప్రస్తుత అంచనాల ప్రకారం కామరూన్ గ్రీన్ ధర 20 కోట్ల నుంచి 25 కోట్లకు పైగా వెళ్లే అవకాశాలు ఉన్నాయి. ఒకవేళ కేకేఆర్ లేదా ఆర్సీబీ లాంటి జట్లు చివరి వరకు పట్టుబడితే, రిషబ్ పంత్ నెలకొల్పిన 27 కోట్ల రికార్డు కూడా ఈ మినీ వేలంలో బద్దలయ్యే అవకాశం పూర్తిగా కొట్టిపారేయలేమని అంటున్నారు.

మొత్తానికి, ఐపీఎల్ 2026 మినీ వేలంలో కామరూన్ గ్రీన్ పేరు హాట్ టాపిక్‌గా మారడం ఖాయంగా కనిపిస్తోంది.

మరిన్ని వార్తలు చదవండి: Tilak Varma Love Rumours: నేపాల్ క్రికెటర్‌తో తిలక్ వర్మ ప్రేమ కథ నిజమేనా?