ఐపీఎల్ 2026: కొత్త కోచ్‌ల జాబితా చూసి ఫ్యాన్స్ షాక్! ఎవరు ఎక్కడ?

ఇండియన్ ప్రీమియర్ లీగ్ (ఐపీఎల్) 2026 కోసం ఫ్రాంఛైజీలు తమ ఏర్పాట్లను వేగవంతం చేశాయి. గత సీజన్‌తో పోలిస్తే ఈసారి కొన్ని జట్లు కొత్త కోచ్‌లను నియమించాయి. వాటిలో రాజస్థాన్ రాయల్స్ ఒకటి. రాహుల్ ద్రవిడ్ బాధ్యతలు నుంచి తప్పుకోవడంతో, ఆ స్థానంలో కుమార్ సంగక్కరను మళ్లీ హెడ్ కోచ్‌గా నియమించింది.

ఇప్పుడు పది ఫ్రాంఛైజీల హెడ్ కోచ్‌లు ఎవరో చూద్దాం.

ఐపీఎల్ 2026 సీజన్‌కు ముందుగా, రాజస్థాన్ రాయల్స్ తమ ప్రధాన కోచ్‌గా శ్రీలంక లెజెండ్ కుమార్ సంగక్కరను తిరిగి నియమించింది. సంగక్కర 2021 నుంచి 2024 వరకు కూడా ఇదే బాధ్యతలు నిర్వహించాడు. రాహుల్ ద్రవిడ్ నిష్క్రమణతో, ఫ్రాంఛైజీ మరోసారి సంగక్కరపై నమ్మకం ఉంచింది.

అదేవిధంగా, కోల్‌కతా నైట్ రైడర్స్ కూడా కొత్త కోచ్‌ను నియమించింది. గత మూడు సీజన్లుగా హెడ్ కోచ్‌గా పనిచేసిన చంద్రకాంత్ పండిట్ తప్పుకోగా, ఆయన స్థానంలో అభిషేక్ నాయర్‌ను ఎంపిక చేసింది. నాయర్ గత కొన్నేళ్లుగా కేకేఆర్ సపోర్ట్ స్టాఫ్‌లో కీలక పాత్ర పోషించాడు.

ఇప్పుడు వచ్చే సీజన్‌లో పది ఫ్రాంచైజీల హెడ్ కోచ్‌లు ఇలా ఉన్నారు:

• రాజస్థాన్ రాయల్స్ – కుమార్ సంగక్కర

• కోల్‌కతా నైట్ రైడర్స్ – అభిషేక్ నాయర్

• ముంబై ఇండియన్స్ – మహేల జయవర్దనే

• చెన్నై సూపర్ కింగ్స్ – స్టీఫెన్ ఫ్లెమింగ్

• రాయల్ ఛాలెంజర్స్ బెంగళూరు – ఆండీ ఫ్లవర్

• లక్నో సూపర్ జెయింట్స్ – జస్టిన్ లాంగర్

• గుజరాత్ టైటాన్స్ – ఆశిష్ నెహ్రా

• ఢిల్లీ క్యాపిటల్స్ – హేమంగ్ బదానీ

• సన్‌రైజర్స్ హైదరాబాద్ – డేనియల్ విట్టోరీ

• పంజాబ్ కింగ్స్ – రికీ పాంటింగ్

ఇక ఐపీఎల్ 2026 మినీ వేలం ముందు రిటెన్షన్ ప్రక్రియ పూర్తయింది. నవంబర్ 15న అన్ని ఫ్రాంఛైజీలు తమ రిటెన్షన్ జాబితాలను విడుదల చేశాయి. ఇందులో కొన్ని జట్లు ఆశ్చర్యకరంగా తమ స్టార్ ఆటగాళ్లను విడుదల చేశాయి. ముఖ్యంగా, కేకేఆర్ అనూహ్యంగా ఆండ్రీ రసెల్‌ను రిలీజ్ చేయడం అభిమానులను కలవరపరిచింది.

ఐపీఎల్ 2026 మినీ వేలం డిసెంబర్ 16న జరగనుంది. ఈ వేలంలో ప్రధానంగా ఆస్ట్రేలియా స్టార్ ఆల్‌రౌండర్ కామెరూన్ గ్రీన్‌పై భారీ డిమాండ్ ఉంటుందని అంచనా. అతడిని దక్కించుకోవడానికి పలు ఫ్రాంచైజీలు భారీ మొత్తంలో బిడ్ చేసే అవకాశం ఉంది.

మరిన్ని వార్తలు చదవండి: ఐపీఎల్ 2026 మినీ వేలంలో ఎక్కువ ధరకు అమ్ముడయ్యే ఆటగాళ్లు ఎవరు?