షెఫాలీ వర్మ అద్భుత ప్రయాణం వరల్డ్ కప్ ఫైనల్ హీరోగా ఐసీసీ మహిళా ప్లేయర్ ఆఫ్ ది మంత్

గత రెండు నెలల్లో యువ క్రికెటర్ షెఫాలీ వర్మ జీవితంలో చోటు చేసుకున్న మార్పు నిజంగా ఒక అద్భుతమే అని చెప్పాలి. ఆరంభంలో ఆమెకు భారత జట్టులో అవకాశం దక్కలేదు. అయితే అదృష్టం రూపంలో వచ్చిన అవకాశాన్ని షెఫాలీ అద్భుతంగా వినియోగించుకుంది. ఆ ఒక్క అవకాశమే ఆమె జీవితాన్ని పూర్తిగా మలిచింది. దాని ఫలితంగా ఇప్పుడు అంతర్జాతీయ క్రికెట్ కౌన్సిల్ కూడా ఆమె ప్రతిభను గుర్తించింది.

మహిళల వన్డే వరల్డ్ కప్ ఫైనల్‌లో అద్భుత ప్రదర్శన చేసిన షెఫాలీ వర్మ, నవంబర్ నెలకు గాను ఐసీసీ మహిళా ప్లేయర్ ఆఫ్ ది మంత్ అవార్డుకు ఎంపికయ్యారు.

మహిళల వన్డే వరల్డ్ కప్ కోసం మొదట ప్రకటించిన భారత జట్టులో షెఫాలీ వర్మకు స్థానం లభించలేదు. అయితే సెమీఫైనల్‌కు కొన్ని రోజుల ముందు భారత ఓపెనర్ ప్రతికా రావల్ గాయపడటంతో, షెఫాలీకి జట్టులోకి రావడానికి అవకాశం దొరికింది. టోర్నమెంట్ మధ్యలో టీమిండియాలో చేరిన షెఫాలీ, సెమీఫైనల్‌లో ఆశించిన స్థాయిలో రాణించలేకపోయింది.

×

Shafali Verma Batter

Shafali Verma is a dynamic young Indian cricketer, a right-handed opening batter known for her fearless, attacking style, debuting young for India across all formats and becoming the youngest female player to score 1000 T20I runs, leading India U-19 to a World Cup win, and playing for teams like Delhi Capitals (WPL) and Birmingham Phoenix.

కానీ ఫైనల్ మ్యాచ్‌లో మాత్రం ఆమె తన అసలైన సత్తాను చాటింది. 78 బంతుల్లో 87 పరుగులు చేసిన షెఫాలీ మెరుపు ఇన్నింగ్స్, భారత జట్టు వరల్డ్ కప్ గెలవడంలో కీలక పాత్ర పోషించింది.

వరల్డ్ కప్ ఫైనల్‌లో షెఫాలీ వర్మ బ్యాటింగ్‌తో మాత్రమే కాదు, బౌలింగ్‌తో కూడా ఆకట్టుకుంది. ఆమె సీనియర్ ఓపెనర్ స్మృతి మంధానతో కలిసి తొలి వికెట్‌కు శతక భాగస్వామ్యాన్ని నెలకొల్పింది. ఇది భారత ఇన్నింగ్స్‌కు బలమైన పునాది వేసింది.

బ్యాటింగ్‌కు మాత్రమే పరిమితం కాకుండా, బౌలింగ్‌లో కూడా షెఫాలీ తన ప్రతిభను నిరూపించింది. ఫైనల్ మ్యాచ్‌లో ఆమె 7 ఓవర్లు వేసి కేవలం 36 పరుగులు మాత్రమే ఇచ్చి రెండు కీలక వికెట్లు పడగొట్టింది. అందులో స్టార్ ఆటగాడు మారిజెన్ కేప్ ది వికెట్ కూడా ఉంది.

×

India Women Founded: 1973

The India women's national cricket team, also known as the "Women in Blue," represents India in international cricket and is governed by the Board of Control for Cricket in India (BCCI).

ఫైనల్‌లో తన అద్భుత ప్రదర్శనపై షెఫాలీ వర్మ స్పందిస్తూ తన ఆనందాన్ని వ్యక్తం చేసింది. ఇది నాకు తొలి వరల్డ్ కప్ అని, తాను ఊహించినట్టుగానే ప్రతిదీ జరిగిందని ఆమె తెలిపింది. జట్టు ఫైనల్ గెలవడంలో తన వంతు పాత్ర పోషించడం ఎంతో సంతోషంగా ఉందని చెప్పింది. స్వదేశంలో అభిమానుల సమక్షంలో భారత జట్టు తొలిసారిగా వరల్డ్ కప్ గెలవడాన్ని ప్రత్యక్షంగా చూడగలిగిన అవకాశం తనకు దక్కడం గర్వంగా ఉందని షెఫాలీ పేర్కొంది.

మరిన్ని వార్తలు చదవండి: చరిత్ర సృష్టించిన హార్దిక్ పాండ్యా.. దేశంలో ఎవరికీ సాధ్యం కాని ఘనత సాధించిన తొలి ఆటగాడు