3 ఐపీఎల్ చరిత్రలో అత్యంత విజయవంతమైన తక్కువ ఖర్చు ఆటగాళ్లు

ఐపీఎల్ మినీ వేలం ఈ నెల 16న అబుధాబీలో జరగబోతోంది. పెద్ద పెద్ద డబ్బులు ఖర్చు పెట్టి తెచ్చుకున్న స్టార్లతో పాటు, ఎవరూ ఊహించని చీప్ బైలు కూడా సంచలనం సృష్టించే అవకాశం ఉంది. ప్రతి సీజన్‌లోనూ ఇలాంటి సర్‌ప్రైజ్‌లు ఉంటాయి – కొందరు లక్షలకే వచ్చి కోట్ల ఆట తిరిగేస్తారు. ఇదే ఐపీఎల్ అందం!

1. క్రిస్ గేల్ (రాయల్ చాలెంజర్స్ బెంగళూరు, 2011)

ఇప్పటివరకు వచ్చిన అతి పెద్ద బార్గెన్ బైల్లో మొదటి స్థానం క్రిస్ గేల్‌దే. 2011లో డిర్క్ నాన్స్ గాయపడ్డాక ఆర్సీబీ కేవలం 30 లక్షలకే ఈ వెస్టిండీస్ బాంబ్‌ను తీసుకుంది. ఆ సీజన్‌లో 12 మ్యాచ్‌ల్లోనే 608 రన్స్, 67కి పైగా యావరేజ్, 183 స్ట్రైక్ రేట్... ఆర్సీబీని తొలిసారి ఫైనల్‌కి తీసుకెళ్లాడు. తర్వాతి రెండు సీజన్లలో 700 రన్స్ దాటేసి, ఐపీఎల్ చరిత్రలోనే అతి చవక ధరకు వచ్చిన బెస్ట్ ప్లేయర్‌గా మిగిలిపోయాడు.

2. షేన్ వాట్సన్ (రాయస్థాన్ రాయల్స్, 2008)

2008 మొదటి ఐపీఎల్‌లో రాజస్థాన్ రాయల్స్ 50 లక్షలకే తీసుకున్న షేన్ వాట్సన్ కూడా అద్భుతం చేశాడు. 15 మ్యాచ్‌ల్లో 472 రన్స్ + 17 వికెట్లు... ఆ సీజన్ ఎంవీపీ అయ్యాడు. ఆ తర్వాత ఆర్సీబీ, సీఎస్‌కేల్లోనూ మెరిసిన వాట్సన్ 2008 ప్రదర్శన ఇప్పటికీ గుర్తొస్తే ఆశ్చర్యం వేస్తుంది – అంత చవకగా అలాంటి ఆల్‌రౌండర్ దొరకడం అరుదు.

3. షశాంక్ సింగ్ (పంజాబ్ కింగ్స్, 2024)

ఇటీవలి కాలంలో షశాంక్ సింగ్ స్టోరీ అందర్నీ ఆశ్చర్యపరుస్తోంది. 2024 మినీ వేలంలో పంజాబ్ కింగ్స్ కేవలం 20 లక్షలకే తీసుకుంది. ఆ సీజన్‌లో 14 మ్యాచ్‌ల్లో 354 రన్స్, 44కి పైగా యావరేజ్. ఇన్నింగ్స్ యాంకర్ చేయడం, డెత్ ఓవర్లలో పేల్చడం – పంజాబ్‌కి అమూల్యం అయిపోయాడు. 2025లో రిటైన్ చేశారు. ఈ సీజన్‌లోనూ 14 ఇన్నింగ్స్‌ల్లో 350 రన్స్, 50 యావరేజ్! ఇప్పుడు పంజాబ్ వైస్ కెప్టెన్ కూడా అయ్యాడు. 20 లక్షలకు వచ్చి జట్టు పిల్లర్ అవ్వడం... ఇదే ఐపీఎల్ మ్యాజిక్!

ఇలాంటి కథలు చూస్తే తెలుస్తుంది – ఐపీఎల్ వేలం ఎప్పుడూ ఊహించని మలుపులు తిరుగుతుంది. కోట్లు ఖర్చు పెట్టి తెచ్చిన స్టార్లు ఫ్లాప్ అవుతుంటే, లక్షల్లో వచ్చిన వాళ్లు జట్టును మోస్తారు. గేల్, వాట్సన్, షశాంక్ లాంటి వాళ్లు రాణిస్తే ఫ్రాంచైజీలకు జాక్‌పాట్ కొట్టినట్టు.

ఇప్పుడు 2026 మినీ వేలం ముంగిట్లో ఉంది. ఈసారి ఎవరు తక్కువ ధరకు వచ్చి గేమ్ ఛేంజర్ అవుతారో? మళ్లీ ఒక కొత్త గేల్, వాట్సన్ లేదా షశాంక్ పుట్టబోతున్నాడు. డొమెస్టిక్ సర్క్యూట్, విదేశీ లీగుల నుంచి స్కౌట్స్ గాలిస్తున్నారు. 16న అబుధాబీలో డ్రామా, సర్‌ప్రైజ్‌లు, భారీ బిడ్డింగ్ వార్స్... సిద్ధంగా ఉండండి!