సయ్యద్ ముస్తాక్ అలీ ట్రోఫీ 2025-26: రుతురాజ్ గైక్వాడ్‌కు షాక్.. మహారాష్ట్రకు కొత్త కెప్టెన్‌గా పృథ్వీ షా

సయ్యద్ ముస్తాక్ అలీ ట్రోఫీ 2025–26 ప్రారంభానికి ముందు మహారాష్ట్ర క్రికెట్ అసోసియేషన్ (ఎంసీఏ) కీలక నిర్ణయం తీసుకుంది. ఈ టోర్నమెంట్‌కు జట్టు నాయకుడిగా ఓపెనింగ్ బ్యాటర్ పృథ్వీ షాను నియమించింది. రెండు రోజుల క్రితమే 16 మంది ఆటగాళ్లతో కూడిన జట్టును ఎంసీఏ ప్రకటించిన విషయం తెలిసిందే.

సాధారణంగా ఈ టోర్నీలో మహారాష్ట్రకు రుతురాజ్ గైక్వాడ్ సారథ్యం వహించాల్సి ఉంది. అయితే దక్షిణాఫ్రికాతో వన్డే సిరీస్ కోసం రుతురాజ్‌ను భారత సెలక్టర్లు ఎంపిక చేయడంతో, ఆయన ముస్తాక్ అలీ ట్రోఫీ ప్రారంభ మ్యాచ్‌లకు అందుబాటులో ఉండడు. ఈ నేపథ్యంలో మహారాష్ట్ర జట్టుకు కొత్త కెప్టెన్‌ను నియమించడం తప్పనిసరైంది.

ఈ విషయాన్ని ఇప్పటికే పృథ్వీ షాకు తెలియజేసినట్లు సమాచారం. ఎంసీఏ అధికారికంగా నవంబర్ 24న ఈ నిర్ణయాన్ని ప్రకటించనున్నట్లు తెలుస్తోంది. కెప్టెన్‌గా పృథ్వీకి మంచి అనుభవం ఉంది. గతంలో ఫస్ట్‌క్లాస్, లిస్ట్-ఎ క్రికెట్‌లో ముంబై తరఫున అనేక మ్యాచ్‌లకు ఆయన సారథ్యం వహించాడు.

రంజీ ట్రోఫీ 2025–26 సీజన్ ప్రారంభానికి ముందు పృథ్వీ షా ముంబై నుంచి మహారాష్ట్రకు మారిన విషయం తెలిసిందే. ముంబై క్రికెట్ అసోసియేషన్‌తో వచ్చిన విభేదాల కారణంగా షా ఈ నిర్ణయం తీసుకున్నాడు.

మహారాష్ట్రకు చేరిన తర్వాత పృథ్వీ అసాధారణ ఫామ్‌లో కొనసాగుతున్నాడు. ప్రస్తుత రంజీ సీజన్‌లో ఆయన 7 ఇన్నింగ్స్‌లు ఆడి 67.14 సగటుతో 470 పరుగులు చేశారు. ఇందులో ఒక డబుల్ సెంచరీ, మూడు అర్ధసెంచరీలు ఉన్నాయి.

సయ్యద్ ముస్తాక్ అలీ ట్రోఫీ నవంబర్ 26 నుంచి ప్రారంభం కానుంది. అదే రోజున మహారాష్ట్ర తమ తొలి మ్యాచ్‌లో జమ్మూ & కాశ్మీర్‌ను ఎదుర్కోనుంది.

మహారాష్ట్ర జట్టు (Syed Mushtaq Ali Trophy 2025–26)

• రుతురాజ్ గైక్వాడ్

• నిఖిల్ నాయక్

• పృథ్వీ షా

• రాహుల్ త్రిపాఠి

• రామకృష్ణ ఘోష్

• రాజవర్ధన్ హంగర్గేకర్

• జలజ్ సక్సేనా

• అజీమ్ కాజీ

• అర్షిన్ కులకర్ణి

• ముఖేష్ చౌదరి

• విక్కీ ఓస్త్వాల్

• ప్రశాంత్ సోలంకి

• మందార్ భండారి

• యోగేష్ డోంగరే

మరిన్ని వార్తలు చదవండి: KL రాహుల్ నేతృత్వంలో భారత్–దక్షిణాఫ్రికా ODIs: రోహిత్, విరాట్ జట్టులో, బుమ్రా రెస్ట్